دبئی کے متعلقہ حکام نے اعلان کیا ہے کہ فضائی دفاعی نظام کے ذریعے ڈرون طیاروں کو ناکام بنانے کے بعد ان کے ٹکڑے دو گھروں کے احاطے میں گرنے سے دو افراد زخمی ہوئے ہیں جنہیں فوری طبی امداد فراہم کی گئی۔
دبئی کی حکومت کے میڈیا آفس نے بتایا کہ جو آوازیں سنی گئی ہیں وہ کامیاب فضائی کارروائی کی وجہ سے تھیں۔
اسی دوران دبئی کی سول ڈیفنس ٹیموں نے جبل علی بندرگاہ پر لگنے والی آگ پر فوری کارروائی کی، جو ڈرون کے ٹکڑوں کے گرنے کی وجہ سے بھڑکی تھی اور اس میں کسی جانی نقصان کی اطلاع نہیں ملی۔
دبئی کی حکومت نے عوام سے اپیل کی کہ وہ 7 جولائی 2021 کے جبل علی بندرگاہ کے سابقہ آگ لگنے کے واقعات کی ویڈیوز یا تصاویر نہ پھیلائیں کیونکہ اس سے موجودہ حادثے کے بارے میں غلط معلومات پھیل سکتی ہیں۔
ایران، امریکہ جنگ: تمام خبریں ایک جگہ پر، کلک کریں
اسی طرح دبئی کی سول ڈیفنس ٹیموں نے برج العرب کی بیرونی دیوار پر لگی محدود آگ پر بھی قابو پا لیا اور کسی زخمی ہونے کی اطلاع نہیں ملی۔
متعلقہ حکام نے واضح کیا کہ یہ حادثات ڈرون طیاروں کے ٹکڑوں کے گرنے کے باعث پیش آئے، جو پہلے ہی فضائی دفاعی نظام کے ذریعے ناکام بنا دیے گئے تھے۔
ادھر ابوظبی کے میڈیا آفس کے مطابق ابوظبی کے متعلقہ حکام ایک ڈرون کے ٹکڑے کے گرنے کے واقعے سے نمٹ رہے ہیں، جو دفاعی نظام کے ذریعے ناکام کیا گیا اور ابراج الاتحاد کے ایک عمارت کے سامنے گرا، جس کے نتیجے میں ایک خاتون اور اس کے بچے معمولی طور پر زخمی ہوئے اور کچھ چھوٹے مالی نقصانات ہوئے۔
ابوظبی کے میڈیا آفس نے مزید کہا کہ جو آوازیں سنی گئی ہیں وہ دفاعی نظام کی کامیاب کارروائیوں کی وجہ سے تھیں اور عوام سے اپیل کی گئی ہے کہ افواہوں اور غلط معلومات کے پھیلاؤ سے گریز کریں اور صرف سرکاری ذرائع سے معلومات حاصل کریں۔