بحرین کی وزارتِ داخلہ نے تمام شہریوں اور مقیم افراد سے اپیل کی ہے کہ وہ مکمل سکون قائم رکھیں اور فوری طور پر قریبی محفوظ مقام کی جانب رجوع کریں۔
صرف سرکاری ذرائع سے معلومات حاصل کرتے ہوئے تازہ ترین صورتحال پر نظر رکھیں تاکہ عوامی سلامتی یقینی بنائی جا سکے۔
ایران، امریکہ جنگ: تازہ ترین خبریں، ایک جگہ پر، کلک کریں
یہ اپیل اس اعلان کے بعد کی گئی ہے کہ بحرین کی دفاعی افواج کے فضائی دفاعی نظاموں نے جارحانہ حملوں کا مؤثر مقابلہ کرتے ہوئے مملکت کے فضائی حدود کو محفوظ بنایا۔
ان کارروائیوں کے دوران 45 میزائل اور 9 ڈرون طیاروں کو ناکام بنایا گیا۔
بحرین کی سیکیورٹی حکام نے زور دیا ہے کہ جاری ہدایات اور احتیاطی تدابیر پر سختی سے عمل کیا جائے اور تصدیق کی کہ تمام دفاعی اور حفاظتی نظام مکمل چوکسی اور تیاری کے ساتھ کسی بھی خطرے کا سامنا کرنے کے لیے تیار ہیں تاکہ ملک کی سلامتی اور اس کی سرزمین کا تحفظ یقینی بنایا جا سکے۔