وزن پر قابو پانے کے لیے ورزش اور ڈائٹ کافی نہیں

سعودی ماہرِ امراضِ قلب ڈاکٹر خالد النمر نے کہا ہے موٹاپا دائمی بیماری ہے اور صرف غذائی پرہیز اور ورزش پر انحصار کرنا عموماً وزن کم کرنے کے مستقل نتائج کے لیے کافی نہیں۔

سبق ویب سائٹ کے مطابق ڈاکٹر النمر نے بتایا ہے کہ مطالعے سے یہ بات سامنے آئی ہے کہ صرف پرہیز اور خود سے ورزش کرنے کی صورت میں پہلے دو برسوں کے دوران 10 فیصد یا اس سے زیادہ وزن کم کرنے میں کامیاب ہونے والوں کی شرح 5 فیصد سے بھی کم ہے۔

 جبکہ تقریباً 80 فیصد افراد 5 برس کے اندر کم کیا گیا زیادہ تر وزن دوبارہ حاصل کر لیتے ہیں۔