ولی عہد و وزیر اعظم شہزادہ محمد بن سلمان بن عبد العزیز آل سعود کی زیر صدرات آج منگل جدہ میں کابینہ کا اجلاس منعقد ہوا ہے۔
سعودی پریس ایجنسی کے مطابق کابینہ نے اپنے ایجنڈے میں شامل موضوعات، جن میں بعض امور پر مجلسِ شوریٰ نے بھی غور کیا تھا، کا جائزہ لیا۔
نیز سیاسی و سلامتی امور کی کونسل، اقتصادی و ترقیاتی امور کی کونسل، کابینہ کی جنرل کمیٹی اور ماہرین بورڈ کی سفارشات پر بھی غور کیا گیا، جس کے بعد متعدد اہم فیصلے کئے ہیں۔
مزید پڑھیں
کابینہ نے وزیرِ داخلہ کو پاکستان کے متعلقہ حکام سے سائنسی، تربیتی اور تحقیقی تعاون کے فروغ کے حوالے سے مفاہمتی یادداشت پر مذاکرات اور دستخط کا اختیار دے دیا ہے۔
اجلاس میں مصری صدر عبد الفتاح السيسي سے ملاقات کے نتائج، دوطرفہ تعلقات کے فروغ، مشرقِ وسطیٰ کی صورتحال اور خطے کے امن و استحکام پر بھی تبادلۂ خیال کیا ہے۔
کابینہ نے علاقائی و عالمی امور پر سعودی عرب کے مؤقف کا اعادہ کیا اور مختلف برادر و دوست ممالک کے ساتھ تعاون بڑھانے پر زور دیا۔
اجلاس میں کرغیزستان، کیوبا، ارمینیا، ترکمانستان، اسٹونیا اور دیگر ممالک کے ساتھ مفاہمتی یادداشتوں اور معاہدوں کی منظوری دی ہے جبکہ بعض قومی اداروں کے انضمام اور مالی رپورٹس کی بھی توثیق کی گئی۔
