خادم الحرمین الشریفین شاہ سلمان بن عبدالعزیز آل سعود اور ولی عہد و وزیراعظم شہزادہ محمد بن سلمان بن عبدالعزیز آل سعود نے برونائی دارالسلام اور جاپان کی قیادت کو ان کے قومی دنوں کے موقع پر تہنیتی پیغامات ارسال کیے ہیں۔
مزید پڑھیں
شاہ سلمان نے سلطانِ برونائی دارالسلام، سلطان الحاج حسن البلقیہ کو بھیجے گئے پیغام میں قومی دن کی مبارکباد پیش کرتے ہوئے ان کی صحت و سلامتی کے لیے نیک تمناؤں کا اظہار کیا۔
انہوں نے برونائی کی حکومت اور عوام کے لیے مزید ترقی و خوشحالی کی دعا بھی کی۔ اسی مناسبت سے ولی عہد شہزادہ محمد بن سلمان نے بھی سلطان حسن البلقیہ کو تہنیتی پیغام بھیجا اور برونائی کی قیادت و
عوام کے لیے نیک خواہشات کا اظہار کیا۔
شہنشاہِ جاپان کو مبارکباد
دوسری جانب شاہ سلمان نے جاپان کے شہنشاہ ناروہیٹو کو ان کے ملک کے قومی دن پر مبارکباد دی ہے۔
اپنے پیغام میں سعودی فرمانروا نے شہنشاہِ جاپان کی صحت و خوشی کے لیے دعا کی اور جاپان کی حکومت و عوام کے لیے مسلسل ترقی اور خوشحالی کی خواہش ظاہر کی۔
شاہ سلمان نے سعودی عرب اور جاپان کے درمیان قائم دوستانہ تعلقات کو سراہتے ہوئے کہا کہ مملکت ان روابط کو تمام شعبوں میں مزید فروغ دینے کی خواہاں ہے۔
ولی عہد شہزادہ محمد بن سلمان نے بھی شہنشاہ ناروہیٹو کو قومی دن کے موقع پر مبارکباد پیش کی اور جاپانی قیادت و عوام کے لیے مزید پیش رفت اور خوشحالی کی نیک تمناؤں کا اظہار کیا۔
یہ پیغامات سعودی عرب کے دونوں ممالک کے ساتھ مضبوط سفارتی تعلقات اور باہمی تعاون کو مزید مستحکم بنانے کے عزم کی عکاسی کرتے ہیں۔