سعودی پاسپورٹ نے ہینلے پاسپورٹ انڈیکس 2026 کے تازہ ترین اجرا میں نمایاں ترقی درج کی ہے، جو عالمی مشاورتی کمپنی Henley & Partners کی جانب سے جاری کیا گیا۔
پاسپورٹ نے ایک ہی مرتبہ میں 5 درجے کی بہتری حاصل کی اور عالمی سطح پر 78 ویں مقام حاصل کیا۔
یہ انڈیکس پاسپورٹس کی طاقت کا تعین کرتا ہے جس میں یہ دیکھا جاتا ہے کہ کس حد تک بغیر ویزا کے مختلف ممالک میں داخلہ ممکن ہے۔
مزید پڑھیں
سبق ویب سائٹ کے مطابق انڈیکس میں بتایا گیا ہے کہ سعودی پاسپورٹ اپنے حامل کو دنیا کے 88 ممالک میں بغیر روایتی ویزا کے داخلے کی سہولت فراہم کرتا ہے، چاہے وہ مکمل چھوٹ کے ذریعے ہو، ویزا آن ارائیول کے ذریعے یا الیکٹرانک اجازت نامے کے ذریعے، جو کل 226 بین الاقوامی مقامات کا تقریباً 39 فیصد بنتا ہے جو اس انڈیکس میں شامل ہیں۔
انڈیکس کا جائزہ صرف ممالک کی تعداد تک محدود نہیں بلکہ اس میں ’اقتصادی رسائی کا انڈیکس‘ بھی شامل ہے، جو بغیر ویزا عالمی مجموعی پیداوار تک پہنچ کی صلاحیت کو ناپتا ہے۔
سعودی پاسپورٹ نے عالمی پیداوار کے 32.66 فیصد تک اقتصادی رسائی کی صلاحیت ظاہر کی جبکہ سعودی عرب کی عالمی مجموعی پیداوار میں حصہ تقریباً 1.113 فیصد ہے، جو خطے اور دنیا میں اس کی بڑھتی ہوئی اقتصادی اہمیت کی عکاسی کرتا ہے۔