جدہ کورنیش سرکٹ پر واقع عوامی علاقے میں، جہاں عالمی چیمپیئن شپ ’ای بی پی فارمولا ای‘ کے مقابلے ہو رہے ہیں، جدہ کے زائرین کی بڑی تعداد نے شرکت کی اور اس عالمی ایونٹ کے ساتھ جڑی سرگرمیوں سے لطف اٹھایا۔
مزید پڑھیں
عاجل ویب سائٹ کے مطابق الیکٹرانک سیمولیشن زون نے بھی شائقین اور موٹر اسپورٹس کے دلدادہ افراد کو اپنی جانب متوجہ کیا، جہاں انہوں نے ایک انٹرایکٹو تجربہ حاصل کیا جو اس چیمپیئن شپ کی تکنیکی ترقی کو ظاہر کرتا ہے۔
عالمی چیمپیئن شپ “ای بی پی فارمولا ای” دنیا کی سب سے اہم الیکٹرک موٹر اسپورٹس چیمپیئن شپ میں سے ایک ہے، جو کھیل میں مقابلہ اور
پائیدار ٹیکنالوجی کو یکجا کرتی ہے۔
یہ خصوصیت سیمولیشن زون میں بھی دیکھی گئی، جہاں زائرین نے ورچوئل ڈرائیونگ کا تجربہ حاصل کیا جو جدہ کورنیش سرکٹ پر اصل ریس کے ماحول کی عکاسی کرتا ہے۔
جدید سیمولیٹرز، جو پروفیشنل سٹیئرنگ وہیل، ہائی ریزولوشن اسکرینز اور فارمولا کار جیسی سیٹوں سے لیس ہیں، نے حقیقی تجربے کے قریب ڈرائیونگ کا موقع فراہم کیا، جس سے شرکا نے موڑ، تیز رفتاری اور توانائی کے انتظام میں اپنی مہارتیں آزما سکیں، جو فارمولا ای ریسز کے اہم عناصر ہیں۔
یہ متوازی سرگرمی عوامی شمولیت کو بڑھانے، چیمپیئن شپ کے تکنیکی اور جدت انگیز پہلو کو اجاگر کرنے، اور نوجوانوں کو الیکٹرک موٹر اسپورٹس کی دنیا سے قریب سے روشناس کرانے کے اقدامات کا حصہ ہے، جس سے ریسنگ سے متعلق الیکٹرانک کھیلوں کی ثقافت کو فروغ ملتا ہے۔
سعودی عرب اس چیمپیئن شپ کی میزبانی آٹھویں مرتبہ کر رہا ہے، یہ دو روزہ عالمی کھیل ایونٹ ہے، جسے سعودی موٹر اسپورٹس فیڈریشن کی طرف سے منظم کیا گیا اور وزارت کھیل کی نگرانی میں چلایا جا رہا ہے، جو ملک کی بین الاقوامی کھیلوں کے نقشے پر بڑھتی ہوئی اہمیت کو ظاہر کرتا ہے۔