سعودی عرب میں آج جمعہ کے کاروباری سیشن کے دوران گولڈ کی قیمتوں میں استحکام دیکھا گیا۔
21 کیرٹ سونے کا فی گرام، جو مملکت میں سب سے زیادہ خرید و فروخت کیا جاتا ہے، تقریباً 524.24 ریال ریکارڈ کیا گیا ہے۔
مزید پڑھیں
سعودی گولڈ پلیٹ فارم کے مطابق 24 کیرٹ سونے کا فی گرام تقریباً 599.13 ریال، 22 قیراط 549.20 ریال، 18 قیراط 449.34 ریال اور 14 قیراط سونے کا فی گرام تقریباً 349.49 ریال رہا۔
دریں اثنا عالمی مارکیٹ میں آج گولڈ اور سلور کی قیمتوں میں تیزی دیکھی گئی کیونکہ گزشتہ سیشن میں ایک ہفتے کی کم ترین سطح پر پہنچنے کے بعد خریداری میں اضافہ ہوا۔
اس سے قبل امریکی روزگار کے مضبوط اعداد و شمار کے باعث شرح سود میں کمی کی توقعات محدود ہونے سے فروخت کا دباؤ بڑھ گیا تھا۔
گرینچ معیاری وقت کے مطابق 01:27 بجے اسپاٹ گولڈ 1 فیصد اضافے کے ساتھ 4966.83 ڈالر فی اونس تک پہنچ گیا جبکہ جمعرات کو یہ 3 فیصد سے زائد گر کر تقریباً ایک ہفتے کی کم ترین سطح یعنی پانچ ہزار ڈالر سے نیچے آ گیا تھا۔
اپریل کی ترسیل کے لیے امریکی گولڈ فیوچرز 0.7 فیصد اضافے کے ساتھ 4985.40 ڈالر فی اونس پر پہنچ گئے۔
تادم تحریر اسپاٹ مارکیٹ میں گولڈ 4970 ڈالر پر ٹریڈ ہو رہا ہے
اسپاٹ سلور کی قیمت 5 فیصد اضافے کے ساتھ 78.87 ڈالر فی اونس ہو گئی، جبکہ بدھ کے روز یہ 11 فیصد تک گر گئی تھی۔
جمعرات کو ڈالر کی قدر بڑی کرنسیوں کے مقابلے میں تقریباً مستحکم رہی، حالیہ امریکی معاشی اعداد و شمار سے ملنے والے متضاد اشاروں کے بعد اس میں نمایاں تبدیلی نہیں آئی۔
ڈالر کی مضبوطی امریکی کرنسی میں قیمت شدہ دھاتوں کو دیگر کرنسی رکھنے والوں کے لیے مہنگا بنا دیتی ہے۔