وزارتِ ماحولیات، پانی اور زراعت نے رمضان کے آغاز کے موقع پر جامع نگرانی مہم کا آغاز کیا ہے جو ملک کے مختلف شہروں چلائی گئی ہے۔
اس مہم کا مقصد تیاری کی سطح کو بلند کرنا اور ایسے موسم میں خوراک کی حفاظت کو یقینی بنانا ہے جب طلب میں اضافہ دیکھا جاتا ہے۔
مزید پڑھیں
عاجل ویب سائٹ کے مطابق مہم کا مقصد مارکیٹوں اور قصاب خانوں کی تیاری کو یقینی بنانا ہے تاکہ رمضان کے دوران صارفین کی ضروریات کو مؤثر طریقے سے پورا کیا جا سکے اور فیلڈ میں نگرانی کو بڑھا کر اعلیٰ معیار کی تعمیل کی پابندی کو یقینی بنایا جا سکے۔
ساتھ ہی خوراک کی حفاظت اور مارکیٹوں میں دستیاب مصنوعات کے معیار کو برقرار رکھنا، فراہم کی جانے والی خدمات کے معیار کو بلند کرنا
اعتماد میں اضافہ کرنا اور صارفین اور خدمات فراہم کرنے والوں میں صحت مند اور محفوظ عملی طریقوں کو فروغ دینا بھی شامل ہے۔
اس مہم کے دوران وزارت کی نگرانی ٹیموں نے مارکیٹوں میں 6,281 دورے کیے، جن میں 428 نگرانی افسران نے حصہ لیا۔
ان دوروں کے دوران 1,475 خلاف ورزیاں اور انتباہات ریکارڈ کی گئیں تاکہ صحت اور تنظیمی معیار کی پابندی کو یقینی بنایا جا سکے۔
نگرانی کے کاموں میں غیر معیاری اشیا کے تلف ہونے کے عمل بھی شامل تھے، جس کے تحت 19,936 کلو سبزیاں، پھل اور کھجوریں، 1,605 کلو گوشت اور مرغی اور 727 کلو مچھلی ضائع کی گئی تاکہ صارفین کی حفاظت اور مارکیٹ میں دستیاب مصنوعات کے معیار کو برقرار رکھا جا سکے۔
قصاب خانوں کے شعبے میں 111,322 بھیڑ، گائے اور اونٹ ذبح کیے گئے، جن میں 970 مکمل تلف شدہ اور 10,041 جزوی تلف شدہ کیسز شامل تھے جو منظور شدہ ویٹرنری طریقہ کار کے مطابق عمل میں لائے گئے۔
متعلقہ ٹیموں نے زرعی مصنوعات پر کیڑے مار ادویات کے باقیات کی جانچ کی، جس کے نتیجے میں 658 نمونے معیاری اور 5 غیر معیاری قرار پائے، جن کے ساتھ متعلقہ قوانین کے مطابق کارروائی کی گئی۔
مہم میں 23 خیراتی تنظیموں نے بھی حصہ لیا، جنہوں نے 16,189 کلو قابل استعمال خوراک کو دوبارہ استفادہ کے لیے فراہم کیا، جس سے پائیداری کو فروغ ملا، خوراک کے ضیاع کو کم کرنے میں مدد ملی، اور ماہِ مبارک میں کمیونٹی کی شمولیت کو بڑھاوا ملا۔