جدہ سیزن کی سرگرمیوں کے تحت اور عالمی کمپنیوں کی شرکت سے 5 روزہ گولڈ نمائش کا آغاز ہوگا۔
مزید پڑھیں
سبق ویب سائٹ کے مطابق جدہ سپر ڈوم میں منعقد نمائش کا مقصد سونے کی صنعت، اس کی قدر اور معیار سے متعلق آگاہی میں اضافہ کرنا، جدید ترین ڈیزائن پیش کرنا، نیز سونے کے شعبے میں سرمایہ کاری اور تجارت کو فروغ دینا ہے جس سے جدہ کی سونے کی صنعت میں قدیم اور نمایاں حیثیت مزید مستحکم ہوتی ہے۔
یہ نمائش 130 سے زائد نمائش کنندگان اور 4 سعودی کارخانوں کو اپنی جانب متوجہ کرے گی جو ممتاز نمائش کنندگان اور معروف برانڈز کے بہترین ڈیزائنرز پر مشتمل ہوں گے۔
اس میں منفرد اور نمایاں سونے کے نمونے بھی پیش کئے جائیں گے جو اعلیٰ ترین کاریگری اور تخلیقی صلاحیتوں کی عکاسی کرتے ہیں، اور مختلف ادوار کے ذریعے سونے کی داستان بیان کرتے ہوئے ایک تعاملی سفر میں اس کی قدر اور معاصر وژن کو اجاگر کرتے ہیں۔