جدہ میونسپلٹی نے ریڑھی بانوں کی معاونت، ترقی اور سرگرمی کو قانونی بنانے کے لیے ماجد بن عبدالعزیز فاؤنڈیشن برائے ترقی و سماجی خدمات کے ساتھ معاہدہ کیا ہے۔
معاہدے کا مقصد پائیدار ترقی کی حمایت اور شہریوں کو منظم اور مکمل سہولیات سے آراستہ مقامات پر فروخت کی سرگرمیاں انجام دینے کے قابل بنانا ہے۔
مزید پڑھیں
اخبار 24 کے مطابق معاہدہ ریڑھی بانوں کی سرگرمیوں کو منظم کرنے اور محفوظ فروختی ماحول فراہم کرنے کا ہدف رکھتا ہے، جو صارفین کے تحفظ میں معاون ہو، نیز ریڑھی بانوں کو مستقبل میں تجارتی ادارے قائم کرنے کے قابل بنانا، بصری آلودگی کے مظاہر کا ازالہ کرنا اور باقاعدہ روزگار کے مواقع پیدا کرنا بھی اس کے مقاصد میں شامل ہے۔
تعاون کے شعبوں میں سرگرمی کے لیے ضوابط اور معیارات کی تیاری، مناسب اور محفوظ مقامات کی تخصیص، صحتِ عامہ، غذائی تحفظ اور فروخت و مارکیٹنگ کی مہارتوں سے متعلق تربیتی و اہلیتی پروگرامز، نیز آگاہی ورکشاپس کا انعقاد شامل ہے۔
معاہدہ ریڑھی بانوں کے کام کے ماحول کو اسمارٹ شہروں کے تقاضوں سے ہم آہنگ کرنے کے لیے جدید حل تیار کرنے، خصوصی تقریبات اور نمائشوں کے انعقاد اور ضوابط کی پابندی کو مضبوط بنانے کے لیے مہمات پر توجہ مرکوز کرتا ہے۔