انترنت بند ہوا تو کیا ہوگا؟
رابطوں کا مکمل انقطاع
ایران
میں جنگ کی صورت میں عالمی انٹرنیٹ کی بندش سے کروڑوں شہریوں کا بیرونی دنیا اور ایک دوسرے سے رابطہ منقطع ہونے کا شدید خطرہ ہے۔
ڈیجیٹل کاروبار اور روزگار
آن لائن کام کرنے والے فری لانسرز، گرافک ڈیزائنرز اور ڈیجیٹل اداروں کے گاہک ختم ہو جائیں گے، جس سے معاشی سرگرمیاں ٹھپ ہو کر رہ جائیں گی۔
خاندانوں کی ذہنی اذیت
بیرون ملک مقیم عزیز و اقارب اور طلبا اپنے پیاروں کی خیریت جاننے سے محروم ہو جائیں گے، جو جنگ کے ماحول میں مزید ذہنی تناؤ کا باعث بنے گا۔
تعلیم اور مالیاتی نظام کا تعطل
آن لائن کلاسز، طلبہ کی تعلیم اور بینکنگ و مالیاتی لین دین کا نظام مفلوج ہو جائے گا، جس سے روزمرہ زندگی شدید متاثر ہوگی۔
سکیورٹی اور سائنسی خدشات
حکومت کے نزدیک یہ اقدامات قومی اثاثوں کے تحفظ کے لیے ضروری ہیں، لیکن اس سے شہریوں کو بنیادی معلومات اور مواصلاتی حقوق سے محرومی کا سامنا کرنا پڑتا ہے۔
تہران اور واشنگٹن کے درمیان بڑھتی کشیدگی نے ایرانی شہریوں کو ایک نئے خوف میں مبتلا کردیا ہے۔
مزید پڑھیں
ایرانیوں کو خدشہ ہے کہ اگر دونوں ملکوں میں دوبارہ جنگ چھڑی تو میزائل حملوں کے ساتھ عالمی انٹرنیٹ بھی بند کردیا جائے گا۔
لاکھوں افراد کے لیے یہ محض سوشل میڈیا سے محرومی نہیں بلکہ کاروبار، تعلیم، روزگار اور اپنوں سے رابطہ ٹوٹ جانے کا خطرہ ہے۔
جنگ کا خطرہ، انٹرنیٹ کی فکر
خطے میں بڑھتی کشیدگی، ٹرمپ کو اچانک سینٹ کام کی جانب سے
جنگی بریفنگ اور ایران کے خلاف ممکنہ جنگ کے خدشات کے ساتھ انٹرنیٹ کی بندش کا معاملہ ایک بار پھر موضوع بحث بن گیا ہے۔
فارسی میڈیا کی رپورٹس کے مطابق حکومت نے نئی جنگ شروع ہونے کی صورت میں عالمی انٹرنیٹ فوری بند کرنے سے متعلق متعلقہ اداروں کو ہدایات دے رکھی ہیں۔
بعض حکومتی عہدیداروں کے بیانات بھی ان خدشات کو تقویت دے رہے ہیں۔
ایرانی شہریوں کو گزشتہ تجربات یاد ہیں۔ جنوری 2026 میں ملک گیر احتجاج کے دوران انٹرنیٹ تقریباً مکمل طور پر بند کردیا گیا تھا۔
بعد ازاں فروری میں امریکا اور اسرائیل کے حملوں کے بعد بھی رابطوں کا نظام شدید متاثر ہوا۔
انٹرنیٹ نگرانی کے اداروں نے اس دوران عالمی نیٹ ورک سے ایران کا رابطہ تقریباً ختم ہونے کی تصدیق کی تھی۔
کاروبار ٹھپ، کروڑوں کا نقصان
انٹرنیٹ بندش کا سب سے بڑا نقصان ڈیجیٹل کاروبار سے وابستہ افراد کو اٹھانا پڑتا ہے۔
تہران کی گرافک ڈیزائنر نازنین کے مطابق گزشتہ بندش کے دوران ان کے متعدد غیرملکی گاہک ختم ہوگئے اور انہیں بھاری مالی نقصان اٹھانا پڑا۔
#BREAKING Iran is now in the midst of a nationwide internet blackout, with live network metrics confirming a sharp drop in connectivity, internet monitoring group NetBlocks said in a post on X. “The incident follows a series of escalating digital censorship measures targeting protests across the country and hinders the public's right to communicate at a critical moment,” Netblocks added.
— Iran International English (@IranIntl_En) January 8, 2026
ایرانی وزیر مواصلات ستار ہاشمی کے مطابق انٹرنیٹ کی بندش سے ملکی معیشت کو روزانہ تقریباً 50 ہزار ارب ریال کا نقصان پہنچ سکتا ہے۔
جنوری میں ایرانی ٹیکنالوجی انڈسٹری کے نمائندوں نے بھی روزانہ کروڑوں ڈالر کے نقصان کی نشاندہی کی تھی۔
🌍
پاکستان سمیت دنیا پر ممکنہ اثرات
▼
پاکستان اور خطے پر اثر
پاکستان
سمیت ہمسایہ ممالک میں موجود تارکینِ وطن اور کاروباری افراد کے لیے ایرانی شہریوں سے مالی و خاندانی رابطے رکھنا ناممکن ہو جائے گا۔
🌐 زیر سمندر کیبلز کا خطرہ
آبنائے ہرمز کے راستے سے گزرنے والی انٹرنیٹ کی زیرسمندر کیبلز کو نقصان پہنچنے سے نہ صرف ایران بلکہ عالمی سطح پر ڈیٹا ٹریفک متاثر ہو سکتی ہے۔
⚠️ عالمی انٹرنیٹ سکیورٹی کے خدشات
محققین کے مطابق خطے میں سکیورٹی کشیدگی اور سائبر حملوں کے بڑھتے ہوئے خطرات پوری دنیا کے ڈیجیٹل انفراسٹرکچر اور بینکاری نظام کے لیے خطرہ بن سکتے ہیں۔
خاندانوں سے رابطہ بھی خطرے میں
انٹرنیٹ بند ہونے کا خوف صرف کاروباری افراد تک ہی محدود نہیں ہے۔
تہران کے ایک دکاندار نادر کے مطابق گزشتہ جنگ کے دوران ان کا یورپ میں زیرتعلیم بیٹا والدین سے رابطہ نہ ہونے پر اس قدر پریشان ہوا کہ زمینی راستے سے ایران واپس آگیا۔
اسے خدشہ تھا کہ کہیں تہران میں بمباری کے دوران اس کے والدین کو کچھ ہوگیا ہے۔
دوسری جانب گھریلو خاتون نگین کا کہنا ہے کہ انٹرنیٹ اب عیاشی نہیں بلکہ تعلیم، روزگار، مالی لین دین اور رشتہ داروں سے رابطے کی بنیادی ضرورت ہے۔
یاد رہے کہ گزشتہ بندش کے دوران طلبہ کی آن لائن تعلیم بھی بری طرح متاثر ہوئی تھی۔
🎯
اگلی جنگ سے پہلے تہران کا منصوبہ
➔
🛡️ قومی نیٹ ورک کا فروغ
ایرانی پارلیمنٹ اور متعلقہ ادارے عالمی انٹرنیٹ پر انحصار کم کرنے کے لیے ایک مضبوط قومی انترنیٹ نیٹ ورک کو فروغ دینے کے منصوبے پر عمل پیرا ہیں۔
⚡ ہنگامی بندش کی تیاریاں
حکام کی جانب سے نئے عسکری تصادم یا ہنگامی حالات کی صورت میں عالمی رابطے فوری معطل کرنے کے لیے اداروں کو واضح ہدایات جاری کی جا چکی ہیں۔
🔒 سکیورٹی اور ڈیٹا کا تحفظ
تہران کی حکمت عملی کا بنیادی مقصد حساس سرکاری ڈیٹا بیس اور اہم تنصیبات کو بیرونی سائبر حملوں اور تخریبی کارروائیوں سے محفوظ بنانا ہے۔
📉 شہریوں کی بے چینی
حومتی اقدامات اور سکیورٹی پلانز کے باوجود شہریوں میں روزمرہ زندگی اور مواصلات کے حوالے سے بے چینی اور تشویش میں مسلسل اضافہ ہو رہا ہے۔
🌐 حکومتی مؤقف بمقابلہ زمینی حقیقت
ایران
کی قیادت اس پالیسی کو قومی دفاع کا حصہ قرار دیتی ہے، جبکہ عوام کے لیے یہ ہر صبح اٹھنے والے اس سوال کی صورت میں ظاہر ہوتی ہے کہ کیا آج دنیا سے رابطہ برقرار رہے گا یا نہیں؟
حکومت کا مؤقف؟
ایرانی حکومت کی ترجمان فاطمہ مہاجرانی کے مطابق جنگی حالات میں قومی اثاثوں اور اہم ڈیٹا بیس کے تحفظ کے لیے انٹرنیٹ کی رفتار کم کرنا پڑ سکتی ہے۔
تداوم قطع سراسری اینترنت در ایران با وجود آتشبس موقت میان جمهوری اسلامی و آمریکا - «نت بلاکس» نهاد ناظر بر اینترنت جهانی روز چهارشنبه ۱۹ فروردین ۱۴۰۵ اعلام کرده قطع گسترده اینترنت در ایران پس از حدود ۹۳۶ ساعت، وارد چهلمین روز خود شده است. - بامداد چهارشنبه خبری از قول ستار هاشمی وزیر ارتباطات جمهوری اسلامی منتشر شد مبنی بر اینکه اینترنت جهانی دو هفته پس از روشن شدن تکلیف نهایی جنگ وصل خواهد شد. رئیس مرکز روابط عمومی وزارت ارتباطات اما بهطور رسمی این موضوع را تکذیب کرد و درخواست کرد مردم اخبار را از رسانههای رسمی دنبال کنند. - مشخص نیست طی دو هفته آتشبس مشروط و موقت میان جمهوری اسلامی و ایالات متحده، آیا جمهوری اسلامی اینترنت طبقهبندی شده برای کسب و کارها را وصل خواهد کرد یا تصمیم دارد همچنان تا رسیدن به شرایط امنیتی پایدار قطع اینترنت را ادامه دهد. - وزیر ارتباطات پیشتر اعلام کرده بود که ادامه قطع اینترنت روزانه حدود ۵ هزار میلیارد تومان به اقتصاد کشور و حدود ۵۰۰ میلیارد تومان به هسته اقتصاد دیجیتال خسارت وارد میکند. https://t.co/yLoPAT63gM
— KayhanLondon کیهان لندن (@KayhanLondon) April 8, 2026
حکومت اسے مستقل پالیسی قرار نہیں دیتی بلکہ سکیورٹی کی ضرورت بتاتی ہے۔
ایرانی نائب وزیر مواصلات وحید یزدانیان بھی نئی جنگ کی صورت میں انٹرنیٹ بندش کے امکان کو رد نہیں کرتے۔ اسی طرح پارلیمنٹ میں عالمی انٹرنیٹ کی جگہ قومی نیٹ ورک کو فروغ دینے کے منصوبے بھی زیرغور ہیں۔
سائبر حملے اور عالمی خطرہ
ایرانی محقق پرستو بہرامی راد کے مطابق گزشتہ جنگ کے دوران بینکاری نظام پر سائبر حملے ہوئے اور ایک بڑے بینک کا بھاری ڈیٹا ضائع ہوگیا۔
انہوں نے کہا کہ ایسے حملوں سے پیٹرول پمپوں اور دیگر ضروری خدمات کو بھی خطرہ لاحق ہوسکتا ہے، تاہم عام شہریوں کو اس کی سزا نہیں ملنی چاہیے۔
انہوں نے خبردار کیا کہ آبنائے ہرمز میں انٹرنیٹ کی زیرسمندر کیبلز کو نقصان پہنچانے کی کوشش صرف ایران نہیں بلکہ پوری دنیا کے لیے تباہ کن ثابت ہوسکتی ہے، کیونکہ عالمی ڈیٹا کا بڑا حصہ اس خطے سے گزرتا ہے۔
ہر صبح ایک ہی سوال
امریکی تھنک ٹینک فریڈم ہاؤس کی رپورٹ بھی ایران میں انٹرنیٹ کی آزادی کو انتہائی محدود قرار دیتی ہے۔
رپورٹ کے مطابق وہاں عالمی انٹرنیٹ تک رسائی مشکل اور مہنگی ہے، جبکہ شہریوں کی بڑی تعداد محدود مقامی نیٹ ورک پر انحصار کرتی ہے۔
ایرانی شہریوں کے لیے اب ہر نئی صبح ایک نئی بے چینی لے کر آتی ہے۔
موبائل فون اٹھاتے ہی ان کے ذہن میں 2 ہی سوال آتے ہیں کہ کیا جنگ شروع ہوگئی؟ اور کیا دنیا سے رابطے کا واحد ذریعہ انٹرنیٹ ابھی تک چل رہا ہے؟
اصل ذرائع
ORIGINAL SOURCES
ایران میں انٹرنیٹ بندش، جنگی خدشات، معاشی نقصانات اور عالمی ردعمل کے مستند حوالہ جات
6 معتبر ذرائع
اس فیچر رپورٹ کے بنیادی حقائق کے لیے الجزیرہ کی اصل رپورٹ جبکہ حکومتی مؤقف، انٹرنیٹ کی بندش کے اعدادوشمار، ڈیجیٹل آزادی اور معاشی نقصانات کی مزید تصدیق کے لیے وائس آف امریکا، انٹرنیٹ سوسائٹی، فریڈم ہاؤس اور انادولو ایجنسی کی رپورٹس سے رجوع کیا جاسکتا ہے۔ معاشی نقصان کے مختلف اعدادوشمار متعلقہ اداروں اور ان کے تخمینوں کے مطابق ہیں۔ SOURCES: AL JAZEERA | VOA | INTERNET SOCIETY | FREEDOM HOUSE | ANADOLU