قطری رائیڈر ناصر العطیہ نے آخری مرحلے میں سب سے پہلے فنش لائن عبور کرتے ہوئے ریلی باہا حائل ٹویوٹا انٹرنیشنل 2026 اپنے نام کر لی ہے۔
وہ سعودی رائیڈر یزید الراجحی سے آگے رہے جبکہ مقابلے کا اختتام دونوں کے درمیان آخری لمحوں تک جاری رہنے والے سخت اور براہِ راست مقابلے پر ہوا۔
مزید پڑھیں
سبق ویب سائٹ کے مطابق یہ کامیابی آخری مرحلے میں العطیہ اور الراجحی کے درمیان ہونے والے براہِ راست اور سنسنی خیز مقابلے کے بعد حاصل ہوئی جہاں العطیہ نے برتری حاصل کرتے ہوئے ریلی کو پہلی پوزیشن پر مکمل کیا۔
ریلی باہا حائل ٹویوٹا انٹرنیشنل 2026 میں نمایاں عالمی شرکت دیکھنے میں آئی جس میں 152 ڈرائیورز اور نیویگیٹرز نے حصہ لیا جو 28 ممالک
کی نمائندگی کر رہے تھے۔
یہ مقابلہ باہا ورلڈ کپ (FIA)، مشرقِ وسطیٰ باہا کپ (FIA)، باہا موٹر سائیکل ورلڈ کپ (FIM) اور ایشیا باہا کپ (FIM) کے تحت منعقد ہوا، جو عالمی باہا ریسنگ کے نقشے پر اس ریلی کی اہمیت کو ظاہر کرتا ہے۔
اعداد و شمار کے مطابق شرکاء میں 142 مرد اور 10 خواتین ڈرائیورز شامل تھیں جبکہ 59 نیویگیٹرز نے بھی حصہ لیا جو بین الاقوامی سطح پر وسیع شرکت کی عکاسی کرتا ہے۔
مقررہ زمروں کے مطابق کارز کی کیٹیگری میں الٹیمیٹ میں 23، چیلنجر میں 7، اسٹاک میں 5، اور SSV سائیڈ بائی سائیڈ میں 15 ڈرائیورز شریک ہوئے۔
موٹر سائیکل کیٹیگری میں 29 رائیڈرز جبکہ کواڈ کیٹیگری میں 5 رائیڈرز نے حصہ لیا۔
شرکت کرنے والے ممالک میں سعودی عرب، متحدہ عرب امارات، کویت، قطر، اردن، لبنان، پرتگال، فرانس، جرمنی، اسپین، نیدرلینڈز، جمہوریہ چیک، پولینڈ، برطانیہ، امریکہ، ناروے، لیتھوانیا، قازقستان، کرغیزستان، جاپان، انڈیا، آسٹریلیا، ارجنٹائن، جنوبی افریقہ، سان مارینو اور انگویلا شامل تھے۔