فیفا ورلڈکپ 2026 جیتنے کے بعد اسپین بھر میں جشن کا سماں ہے اور سب سے بڑا منظر دارالحکومت میڈرڈ میں دیکھنے کو ملا جہاں عالمی چیمپئن ٹیم کے استقبال کے لیے 10 لاکھ سے زائد شائقین سڑکوں پر نکل آئے۔
مزید پڑھیں
امریکہ، کینیڈا اور میکسیکو میں مشترکہ طور پر ہونے والے ورلڈ کپ کے فائنل میں اسپین نے ارجنٹائن کو ایک صفر سے شکست دے کر اپنی تاریخ کا دوسرا عالمی اعزاز اپنے نام کیا، جس کے بعد پورا ملک خوشی میں ڈوب گیا۔
میڈرڈ کی اہم شاہراہیں قومی پرچموں، نعروں اور جشن منانے والے ہزاروں خاندانوں سے بھری ہوئی تھیں۔
استقبال کے لیے فاتح کھلاڑیوں کو ایک کھلی بس میں شہر کا دورہ کرایا گیا، جس پر ’ورلڈ چیمپئن‘کا بڑا بینر آویزاں تھا۔ اس منظر نے 2010 میں اسپین کی پہلی ورلڈکپ فتح اور 2024 کے یوروکپ کی کامیابی کی یادیں تازہ کیں۔
ٹیم کے استقبال کا یہ جلوس حکومتی ہیڈکوارٹر ’لا مونکلوا‘ سے روانہ ہو کر جشن کے مقام ’سیبیلیس اسکوائر‘ پہنچا، جہاں شائقین نے کھلاڑیوں کو خوش آمدید کہا۔
اس موقع پر سڑکوں پر قومی ترانے گونجتے رہے، گاڑیوں کے ہارن بجتے رہے جبکہ عمارتوں کی چھتوں اور بالکونیوں سے ہزاروں افراد نے اس تاریخی لمحے کو اپنے موبائل فون اور کیمروں میں محفوظ کیا۔
🏆⚽ خبر کے اہم نکات جانیے!
بڑے عوامی اجتماع کے پیش نظر حکام نے سخت حفاظتی انتظامات کررکھے تھے، جس کے لیے 2 ہزار سے زائد پولیس اہلکاروں اور سول گارڈز کو تعینات کیا گیا تھا۔
ہسپانوی ٹیم میڈرڈ پہنچنے کے بعد سب سے پہلے شاہی محل ’سارسویلا پیلس‘ گئی، جہاں شاہ فیلیپ ششم نے کھلاڑیوں اور کوچ لوئس ڈی لا فوینتے کا استقبال کیا۔
شاہ فیلیپ نے ٹیم کی شاندار کارکردگی کو پورے ملک کے لیے باعثِ فخر قرار دیتے ہوئے کہا کہ آپ کی ہر کامیابی دراصل پورے اسپین کی کامیابی ہے۔
🏆 فیفا ورلڈ کپ 2026: اسپین میں تاریخی جشن
میڈرڈ میں عالمی چیمپئنز کا شاندار استقبال اور میسی کا جذباتی پیغام
اسپین نے فائنل میں ارجنٹائن کو شکست دے کر دوسرا عالمی اعزاز اپنے نام کر لیا، جس کے بعد دارالحکومت میڈرڈ کی سڑکوں پر 10 لاکھ سے زائد شائقین جشن منانے نکل آئے۔
🎉 میڈرڈ میں 10 لاکھ شائقین کا استقبال
1000000+فاتح ٹیم کی کھلی بس 'سیبیلیس اسکوائر' پہنچی جہاں 10 لاکھ سے زائد افراد نے قومی ترانوں اور نعروں کے ساتھ عالمی چیمپئنز کا تاریخی استقبال کیا۔
⚽ فائنل کا فیصلہ کن معرکہ
1 - 0فیران ٹوریس کے واحد اور تاریخی گول کے بدولت اسپین نے ارجنٹائن کو فائنل میں شکست دے کر اپنی تاریخ کا دوسرا ورلڈ کپ ٹائٹل جیتا۔
👑 شاہ فیلیپ اور وزیراعظم کی ملاقات
شاہی محل میں شاہ فیلیپ ششم نے ٹیم کو گلے لگایا، جبکہ وزیراعظم پیڈرو سانچیز نے امید ظاہر کی کہ 2030 میں ہوم گراؤنڈ پر اسپین تیسرا ٹائٹل بھی جیتے گا۔
💔 لیونل میسی کا جذباتی ردعمل
ارجنٹائن کے کپتان نے اعتراف کیا کہ فائنل میں شکست کا زخم بھرنے میں وقت لگے گا، تاہم انہوں نے اسپین کو کامیابی پر مبارکباد پیش کی۔
اس موقع پر انہوں نے نوجوان اسٹار لامین یامال کو گلے لگایا اور دیگر کھلاڑیوں سے بھی ملاقات کی۔ بعد ازاں ٹیم نے وزیراعظم پیڈرو سانچیز سے ملاقات کی۔
تقریب کے دوران کپتان روڈری نے کہا کہ ورلڈ کپ جیتنا ہر فٹبالر کا سب سے بڑا خواب ہوتا ہے۔
انہوں نے کہا کہ موجودہ ٹیم نے بچپن میں 2010 کی فاتح ہسپانوی ٹیم کو ٹرافی اٹھاتے دیکھا تھا اور اسی لمحے سے ایک دن خود عالمی چیمپئن بننے کا خواب دل میں بسایا تھا، جو اب حقیقت بن چکا ہے۔
وزیراعظم سانچیز نے اپنی گفتگو میں کہا کہ اسپین نے جب بھی ورلڈ کپ کے فائنل میں جگہ بنائی، ٹرافی اپنے نام کی۔ یہ ہماری قومی فٹبال کی مضبوط روایت کا ثبوت ہے۔
انہوں نے امید ظاہر کی کہ 2030 میں، جب اسپین ورلڈ کپ کی میزبانی کرے گا، قومی ٹیم اپنے شائقین کے سامنے تیسرا عالمی ٹائٹل جیتنے میں بھی کامیاب ہوگی۔
ورلڈ کپ فائنل کا واحد اور فیصلہ کن گول کرنے والے فیران ٹوریس نے کہا کہ شائقین کی محبت اور بچوں کا جوش ان کے کیریئر کے یادگار ترین لمحات میں شامل ہو گیا ہے۔
میسی کا جذباتی پیغام
دوسری جانب ارجنٹائن میں فائنل کی شکست کے بعد مایوسی ضرور دیکھی گئی، لیکن شائقین نے اپنی ٹیم کے پورے ٹورنامنٹ میں شاندار سفر کو بھی سراہا۔
کپتان لیونل میسی نے انسٹاگرام پر جذباتی پیغام جاری کرتے ہوئے لکھا کہ فائنل میں شکست کا دکھ آسانی سے نہیں بھلایا جا سکے گا، اس زخم کو بھرنے میں وقت لگے گا۔
تاہم انہوں نے اپنی ٹیم کی مسلسل دوسری مرتبہ ورلڈ کپ فائنل تک رسائی کو قابلِ فخر قرار دیتے ہوئے ساتھی کھلاڑیوں کی حوصلہ افزائی کی اور اسپین کو عالمی چیمپئن بننے پر مبارکباد بھی پیش کی۔