شمالی جاپان کے علاقے ایواتے میں ایک مقامی خاندان نے پولیس کو اطلاع دی ہے کہ ایک ریچھ ان کے گھر کے کچن میں داخل ہو گیا ہے۔
مزید پڑھیں
پولیس کے مطابق ریچھ نے فریج کھول کر اس کا سامان بکھیر دیا اور گھر کے پچھلے دروازے سے فرار ہونے سے قبل کوڑے دان میں بھی خوراک تلاش کی۔
جاپانی وزارت ماحولیات کے اعداد و شمار کے مطابق یکم اپریل سے اب تک شمالی علاقے توہوک میں ریچھوں کے حملوں کے نتیجے میں کم از کم 5 افراد ہلاک ہو چکے ہیں۔
گزشتہ مالی سال کے دوران ملک بھر میں ریچھوں کے حملوں کے ریکارڈ 13 واقعات رپورٹ ہوئے تھے جن میں متعدد افراد زخمی ہوئے۔
شیزوکویشی شہر میں حکام کا کہنا ہے کہ 5 جولائی سے اب تک کم از کم 4 دیگر خاندانوں نے بھی اپنے گھروں میں ریچھوں کے داخلے کی شکایات درج کرائی ہیں۔
حالیہ مہینوں میں موسم سرما کی نیند سے بیدار ہونے کے بعد ریچھوں کی آبادیوں میں نقل و حرکت میں غیر معمولی اضافہ دیکھا گیا ہے۔
جون کے مہینے میں ٹوکیو کے شمال میں واقع شہر اوتسونومیا میں ایک ریچھ کو پکڑنے کے لیے پولیس، شکاریوں اور مقامی حکام کو 4 دن تک آپریشن کرنا پڑا۔
اس دوران ریچھ کے خوف سے مقامی اسکولوں کو بھی بند کرنا پڑا تھا، جس سے شہریوں میں شدید تشویش پائی جاتی ہے۔
اس سے قبل فوکوشیمہ کے 2 کارخانوں میں ایک انتہائی چالاک ریچھ نے کھڑکی توڑ کر اور نل کھول کر 4 افراد کو زخمی کر دیا تھا، جس کے بعد وہ کئی روز تک آزاد گھومتا رہا۔
ماہرین کے مطابق دیہی علاقوں میں آبادی میں کمی اور خوراک کی دستیابی میں تبدیلی اس صورتحال کی بڑی وجوہات ہیں۔