عراق کی سپریم جوڈیشل کونسل نے پیر کے روز اعلان کیا ہے کہ کرپشن کے ایک اہم مقدمے کی تحقیقات کے دوران 375 کلوگرام سونا برآمد کر لیا گیا ہے۔
مزید پڑھیں
الجزیرہ کے مطابق یہ کارروائی سابق نائب وزیر پیٹرولیم عدنان الجمیلی کے خلاف جاری تحقیقات کے سلسلے میں عمل میں لائی گئی ہے۔
انسدادِ بدعنوانی کی مرکزی عدالت کے جج ضیا جعفر کے مطابق سپریم جوڈیشل کونسل کے سربراہ فائق زیدان کی نگرانی اور کردستان ریجن کے ساتھ قریبی تعاون سے 358 کلوگرام سونا بازیاب کیا گیا۔
بعد ازاں ایک اور کارروائی میں مزید 17 کلو سونا بھی قبضے میں لیا گیا۔
کرپشن کیس کی تفتیش کے دوران برآمد شدہ سونا عراقی مرکزی بینک کے محکمہ ایشو اینڈ ٹریژری کے ڈائریکٹر جنرل اور ان کے معاون کے حوالے کر دیا گیا ہے۔
عراق کرپشن کیس کی بڑی ریکوری
سابق نائب وزیر پیٹرولیم عدنان الجمیلی کے خلاف کارروائی
کل برآمد شدہ سونا
پائپ سے برآمد شدہ رقم
عراقی دینار مالیت
تحقیقات کا باقاعدہ آغاز ہوا
ملزم عدنان الجمیلی کو گرفتار کیا گیا
عہدے سے برطرفی اور دائرہ کار وسیع
حکام کا کہنا ہے کہ یہ اقدامات عدنان الجمیلی کیس کی تحقیقات مکمل کرنے اور سرکاری خزانے کو پہنچنے والے نقصان کی تلافی کے لیے کیے جا رہے ہیں۔
یاد رہے کہ گزشتہ جمعرات کو بھی اسی کیس کے سلسلے میں 14 ارب عراقی دینار، جو تقریباً 10.6 ملین ڈالر کے مساوی ہیں، ایک ڈرین پائپ کے اندر چھپائے گئے تھے۔
یہ رقم بھی تحقیقات کے دوران برآمد کی گئی تھی، جس سے کیس کی سنگینی کا اندازہ لگایا جا سکتا ہے۔
واضح رہے کہ یہ تحقیقات اکتوبر 2025 میں شروع ہوئی تھی، جس کا مقصد سرکاری وسائل کے غلط استعمال اور حکومتی ٹھیکوں کے عوض کمیشن وصول کرنے کے الزامات کی جانچ کرنا تھا۔
مئی میں عدنان الجمیلی کی گرفتاری اور 2 جون کو ان کی برطرفی کے بعد تحقیقات کا دائرہ کار وسیع ہو گیا ہے۔ اس کیس میں اب تک کئی موجودہ اور سابق عہدیداروں کے علاوہ پارلیمنٹ کے ارکان بھی شامل ہیں۔
حکام کے مطابق ملزمان کی نشاندہی پر بھاری رقوم، جائیدادیں، گاڑیاں اور سونا ضبط کیا گیا ہے، جبکہ حکومت بدعنوانی کے خلاف اس مہم کو منطقی انجام تک پہنچانے کے لیے پرعزم ہے۔
عراقی وزیراعظم علی فالح الزیدی نے واضح کیا ہے کہ سرکاری دولت لوٹنے والوں کے خلاف کارروائی میں کوئی رعایت نہیں برتی جائے گی۔
عراق میں اس وقت بھی کئی ملزمان سیکیورٹی اداروں کو مطلوب ہیں، جبکہ بیرون ملک فرار ہونے والے افراد کی واپسی کے لیے قانونی درخواستیں بھی دائر کی گئی ہیں۔