براہ راست نشریات

3-2 کی سنسنی خیز فتح، ریڈ کارڈ کے باوجود انگلینڈ کوارٹر فائنل میں

Picture of Overseas Post
Overseas Post
شیئر
ووٹ
Array
0Dislike
50% LikesVS
50% Dislikes
انگلینڈ بمقابلہ میکسیکو

انگلینڈ نے فیفا ورلڈ کپ 2026 کے پری کوارٹر فائنل میں میزبان میکسیکو کو اس کے تاریخی ازٹیکا اسٹیڈیم میں 3-2 سے شکست دے کر کوارٹر فائنل میں جگہ بنا لی۔ 

جود بیلنگھم کی شاندار ڈبل اور ہیری کین کے فیصلہ کن پنالٹی گول نے انگلینڈ کو ایک ایسے مقابلے میں کامیابی دلائی، جہاں اسے ایک گھنٹے سے زیادہ وقت دس کھلاڑیوں کے ساتھ کھیلنا پڑا۔

انگلینڈ نے پہلے ہاف میں جارحانہ آغاز کیا اور 36ویں منٹ میں جود بیلنگھم نے بوکایو ساکا کے پاس پر پہلا گول داغا۔ 

صرف دو منٹ بعد بیلنگھم نے ہیری کین کی معاونت سے دوسرا گول کرکے اپنی ٹیم کو مضبوط برتری دلا دی۔ 

تاہم میکسیکو نے ہمت نہ ہاری اور 42ویں منٹ میں خولیان کینیونیس نے گول کرکے وقفے سے قبل مقابلہ دوبارہ دلچسپ بنا دیا۔

دوسرے ہاف کے آغاز میں انگلینڈ کو بڑا دھچکا اس وقت لگا جب جارل کوانساہ کو 54ویں منٹ میں ریڈ کارڈ دکھایا گیا۔ 

اس کے باوجود انگلینڈ نے حوصلہ نہیں ہارا اور 60ویں منٹ میں ہیری کین نے پنالٹی پر گول کرکے اسکور 3-1 کر دیا۔

میکسیکو نے بھی 69ویں منٹ میں پنالٹی حاصل کی، جسے راؤول خیمنیز نے گول میں بدل کر فرق ایک گول تک محدود کر دیا، مگر مسلسل دباؤ کے باوجود میزبان ٹیم برابری کا گول نہ کرسکی اور انگلینڈ نے 3-2 کی قیمتی کامیابی اپنے نام کر لی۔

اعداد و شمار کے مطابق میکسیکو نے 66 فیصد بال پوزیشن اپنے پاس رکھی، جبکہ انگلینڈ کے پاس صرف 34 فیصد گیند رہی۔ 

میکسیکو نے 18 شاٹس لیے جبکہ انگلینڈ نے صرف 6، تاہم دونوں ٹیموں کی آن ٹارگٹ کوششیں پانچ، پانچ رہیں۔ 

متوقع گولز (xG) میں بھی میکسیکو 1.87 کے ساتھ انگلینڈ (1.55) سے آگے رہا، لیکن انگلش ٹیم نے اپنے محدود مواقع سے بھرپور فائدہ اٹھایا۔

456454654

جود بیلنگھم کو دو شاندار گول کرنے پر 9.2 ریٹنگ کے ساتھ میچ کا بہترین کھلاڑی قرار دیا گیا۔

اس فتح کے ساتھ انگلینڈ نے میزبان میکسیکو کو ٹورنامنٹ سے باہر کر دیا اور اب کوارٹر فائنل میں اس کا مقابلہ ناروے سے ہوگا، جس نے ایک اور بڑے اپ سیٹ میں برازیل کو 2-1 سے شکست دے کر آخری 8 ٹیموں میں جگہ بنائی۔

⚽ ورلڈ کپ کی تمام اپڈیٹس ایک جگہ پر، کلک کریں ←