اسمارٹ فون آج ہماری زندگی کا لازمی حصہ بن چکا ہے اور ہم اسے ہر وقت اپنے ساتھ رکھتے ہیں۔
مزید پڑھیں
طبی ماہرین کا کہنا ہے کہ یہ سہولت صحت کے لیے خطرناک ثابت ہو سکتی ہے، کیونکہ فون بیکٹیریا کا مرکز ہے اور اس سے خارج ہونے والی شعاعیں بھی نقصان دہ ہیں۔
جیب میں رکھنا
فون کو جیب میں رکھنے سے آپ کا جسم موبائل کی زیادہ شعاعوں کا سامنا کرتا ہے۔
تحقیق کے مطابق جیب میں رکھا فون بیگ کے مقابلے میں 2 سے 7 گنا زیادہ تابکاری خارج کرتا ہے۔ یہ شعاعیں ڈی این اے کی تبدیلی اور کینسر سمیت مردوں میں بانجھ پن کا باعث بن سکتی ہیں۔
تکیے کے نیچے
سوتے وقت فون کو تکیے کے نیچے رکھنا آگ لگنے کا سبب بن سکتا ہے، خاص طور پر چارجنگ کے دوران۔
اس کے علاوہ فون سے نکلنے والی ایل ای ڈی روشنی جسم میں میلاٹونن ہارمون کو متاثر کرتی ہے، جس سے نیند کا قدرتی نظام بگڑ جاتا ہے اور طویل مدتی بیماریاں جنم لیتی ہیں۔
اسمارٹ فون اور صحت: پوشیدہ خطرات
بیکٹیریا اور نقصان دہ شعاعوں سے بچاؤ کے لیے فون کو جسم کے حساس حصوں سے دور رکھیں
چہرے کے قریب
فون کو چہرے کے بہت قریب رکھنے سے اس پر موجود بیکٹیریا جلد پر منتقل ہو جاتے ہیں۔
یہ عمل مہاسوں، جلد کی جلن اور قبل از وقت جھریاں پڑنے کا سبب بنتا ہے۔ مسلسل بیکٹیریا کے رابطے سے جلد کی صحت متاثر ہوتی ہے اور عمر رسیدگی کے اثرات جلد نمایاں ہونے لگتے ہیں۔
کار ڈیش بورڈ
کار کے گلوز کمپارٹمنٹ یا ڈیش بورڈ میں فون رکھنا انتہائی غیر محفوظ ہے۔
شدید گرمی یا سردی سے فون کی بیٹری متاثر ہو کر لیک ہو سکتی ہے، جس سے زہریلے کیمیکل خارج ہوتے ہیں۔ سرد موسم میں بیٹری فیل ہونے سے سفر کے دوران ایمرجنسی صورتحال پیدا ہونے کا خدشہ ہوتا ہے۔
ساحل سمندر
ساحل پر دھوپ میں فون رکھنے سے اس کا درجہ حرارت تیزی سے بڑھتا ہے، جس سے بیٹری خراب ہونے یا دھماکے کا خطرہ ہوتا ہے۔
یہ صورتحال نہ صرف آپ کے فون کو تباہ کر سکتی ہے بلکہ ماحول میں نقصان دہ کیمیکلز کے اخراج کا باعث بھی بن سکتی ہے۔
ٹوائلٹ میں استعمال
واش روم میں فون لے جانا جراثیم کو دعوت دینے کے مترادف ہے۔
فلش چلانے کے بعد ہوا میں موجود بیکٹیریا اور وائرس فون پر جم جاتے ہیں، جو بعد میں آپ کے ہاتھوں اور چہرے کے ذریعے جسم میں داخل ہو کر نظامِ ہاضمہ اور سانس کی سنگین بیماریوں کا سبب بن سکتے ہیں۔
اسمارٹ فون ہماری ضرورت ہے، لیکن اس کے استعمال میں لاپروائی سنگین طبی مسائل پیدا کر سکتی ہے۔
روزمرہ کی عادات میں معمولی تبدیلی لا کر اور جسم کے ان حساس حصوں سے فون کو دُور رکھ کر ہم نہ صرف اپنی جلد اور جسمانی صحت کو نہ صرف محفوظ بنا سکتے ہیں بلکہ اپنی زندگی کو بھی زیادہ پرسکون اور ٹیکنالوجی کے منفی اثرات سے پاک رکھ سکتے ہیں۔