وزیر خارجہ شہزادہ فیصل بن فرحان بن عبداللہ سے آسٹریا کی وزیرِ خارجہ بیاتے مائنل رائزنگر نے ملاقات کی ہے۔
سعودی پریس ایجنسی کے مطابق شہزادہ فیصل بن فرحان نے آج جمعرات کو دار الحکومت ریاض میں وزارتِ خارجہ کے صدر دفتر میں آسٹریا کی وزیر کا استقبال کیا ہے۔
ملاقات کے دوران دونوں وزرا کے مابین دوطرفہ تعاون اور مختلف شعبوں میں ان کے فروغ کے امکانات کا جائزہ لیا گیا۔
دونوں وزرائے خارجہ نے خطے کی موجودہ صورتحال میں ہونے والی تازہ پیش رفت اور اس حوالے سے کی جانے والی کوششوں پر تبادلۂ خیال بھی کیا ہے۔
ملاقات کے دوران وزارتِ خارجہ کے سیاسی امور کے نائب وزیر سفیر ڈاکٹر سعود الساطی، آسٹریا میں سعودی سفیر ڈاکٹر عبداللہ بن خالد طولہ اور یورپی امور کے جنرل ڈائریکٹر سفیر عبدالرحمن الاحمد بھی موجود تھے۔