فیفا ورلڈ کپ 2026 کے گروپ مرحلے کا آخری راؤنڈ کئی ٹیموں کے لیے فیصلہ کن ثابت ہونے جا رہا ہے۔
کچھ ٹیمیں ناک آؤٹ مرحلے میں جگہ پکی کرنے کے لیے میدان میں اتریں گی، جبکہ کئی ممالک اپنی بقا کی آخری امید کے ساتھ قسمت آزمائیں گے۔
انگلینڈ، پرتگال، کولمبیا، ارجنٹینا، الجزائر، آسٹریا، کانگو اور ازبکستان سمیت متعدد ٹیموں کی نظریں اہم نتائج پر مرکوز ہوں گی۔
انگلینڈ کی نظریں گروپ کی برتری پر
نیویارک کے میٹ لائف اسٹیڈیم میں انگلینڈ کا مقابلہ پاناما سے ہوگا۔
انگلش ٹیم 4 پوائنٹس کے ساتھ گروپ ایل میں سرفہرست ہے اور ایک مثبت نتیجہ اسے گروپ کی پہلی پوزیشن کے ساتھ پری کوارٹر فائنل میں پہنچا سکتا ہے۔
| # | ٹیم | کھیلے | گول فرق | پوائنٹس |
|---|---|---|---|---|
| 1 |
انگلینڈ
|
2 | +2 | 4 |
| 2 |
گھانا
|
2 | +1 | 4 |
| 3 |
کروشیا
|
2 | -1 | 3 |
| 4 |
پاناما
|
2 | -2 | 0 |
🏆 انگلینڈ سرفہرست
انگلینڈ نے 4 پوائنٹس اور بہتر گول فرق (+2) کی بدولت گروپ ایل میں پہلی پوزیشن برقرار رکھی۔
🔥 گھانا مضبوط مقابلے میں
گھانا بھی 4 پوائنٹس کے ساتھ دوسرے نمبر پر ہے، جبکہ آخری میچ میں اس کے پاس گروپ جیتنے کا بھی موقع موجود ہے۔
⚠️ کروشیا کی امید برقرار
کروشیا 3 پوائنٹس کے ساتھ اب بھی دوڑ میں شامل ہے، جبکہ پاناما بغیر کسی پوائنٹ کے آخری پوزیشن پر موجود ہے۔
دوسری جانب پاناما مسلسل دو شکستوں کے بعد بغیر کسی پوائنٹ کے آخری نمبر پر ہے اور اسے امیدیں برقرار رکھنے کے لیے صرف فتح درکار ہے۔
دونوں ٹیموں کی آخری ورلڈ کپ ملاقات 2018 میں ہوئی تھی، جہاں انگلینڈ نے پاناما کو 6-1 سے شکست دی تھی۔
گھانا کو ایک پوائنٹ بھی کافی
فلاڈیلفیا کے لنکن فنانشل فیلڈ میں گھانا اور کروشیا کا مقابلہ بھی بے حد اہم ہوگا۔
گھانا 4 پوائنٹس کے ساتھ دوسرے نمبر پر موجود ہے اور اب تک ٹورنامنٹ میں ایک بھی گول نہیں کھایا۔
بلیک اسٹارز کو اگلے مرحلے میں پہنچنے کے لیے ایک ڈرا بھی کافی ہو سکتا ہے۔
دوسری جانب کروشیا 3 پوائنٹس کے ساتھ تیسرے نمبر پر ہے۔
دو میچوں میں 3 گول کرنے کے باوجود چار گول کھانے کے باعث اس کی پوزیشن کمزور ہو چکی ہے، اور اب اس کے لیے فتح ہی واحد راستہ ہے۔
انگلینڈ
گھانا
کولمبیا اور پرتگال کی جنگ
میامی کے ہارڈ راک اسٹیڈیم میں کولمبیا اور پرتگال آمنے سامنے ہوں گے۔
کولمبیا دو فتوحات کے ساتھ 6 پوائنٹس لے کر سرفہرست ہے، جبکہ پرتگال 4 پوائنٹس کے ساتھ دوسرے نمبر پر موجود ہے۔
کولمبیا کو گروپ میں پہلی پوزیشن برقرار رکھنے کے لیے صرف ایک ڈرا درکار ہے، جبکہ پرتگال کو ٹاپ پوزیشن حاصل کرنے کے لیے لازماً فتح چاہیے۔
دونوں ٹیمیں پہلی مرتبہ ایک دوسرے کے مدمقابل آئیں گی، جس سے مقابلے کی دلچسپی مزید بڑھ گئی ہے۔
| # | ٹیم | کھیلے | گول فرق | پوائنٹس |
|---|---|---|---|---|
| 1 |  کولمبیا |
2 | +3 | 6 |
| 2 |  پرتگال |
2 | +5 | 4 |
| 3 |  کانگو ڈیموکریٹک |
2 | -1 | 1 |
| 4 |  ازبکستان |
2 | -7 | 0 |
🏆 کولمبیا مضبوط
کولمبیا نے دو میچز میں 6 پوائنٹس حاصل کر کے گروپ کے میں پہلی پوزیشن سنبھال لی۔
🔥 پرتگال قریب
پرتگال 4 پوائنٹس اور +5 گول فرق کے ساتھ ناک آؤٹ مرحلے کے بہت قریب ہے۔
⚠️ کانگو اور ازبکستان دباؤ میں
کانگو کے پاس ایک پوائنٹ ہے جبکہ ازبکستان بغیر پوائنٹ کے آخری نمبر پر ہے۔
کانگو اور ازبکستان کے لیے آخری موقع
اٹلانٹا میں کانگو ڈیموکریٹک ریپبلک اور ازبکستان کے درمیان ایسا مقابلہ ہوگا جس میں شکست تقریباً ٹورنامنٹ سے باہر ہونے کے مترادف ہوگی۔
کانگو ایک پوائنٹ کے ساتھ تیسرے نمبر پر ہے، جبکہ ازبکستان مسلسل دو شکستوں کے بعد بغیر کسی پوائنٹ کے آخری پوزیشن پر موجود ہے۔
دونوں ممالک تاریخ میں پہلی مرتبہ ایک دوسرے کا سامنا کریں گے۔
پرتگال
ازبکستان
ارجنٹینا کے سامنے اردن کا کڑا امتحان
ڈلاس میں عالمی چیمپئن ارجنٹینا کا مقابلہ اردن سے ہوگا۔
ارجنٹینا دو مسلسل کامیابیوں اور چھ پوائنٹس کے ساتھ پہلے ہی اگلے مرحلے میں پہنچ چکا ہے، جبکہ اردن دو شکستوں کے بعد بغیر کسی پوائنٹ کے آخری نمبر پر ہے اور اسے معجزانہ نتائج کی ضرورت ہے۔
یہ دونوں ٹیموں کے درمیان تاریخ کا پہلا مقابلہ ہوگا۔
| # | ٹیم | کھیلے | گول فرق | پوائنٹس |
|---|---|---|---|---|
| 1 |
ارجنٹائن
|
2 | +5 | 6 |
| 2 |
آسٹریا
|
2 | 0 | 3 |
| 3 |
الجزائر
|
2 | -2 | 3 |
| 4 |
اردن
|
2 | -3 | 0 |
🏆 ارجنٹائن کی برتری
ارجنٹائن نے مسلسل دو فتوحات کے ساتھ 6 پوائنٹس حاصل کیے اور گروپ جے کی پہلی پوزیشن مضبوطی سے اپنے نام کر لی۔
⚔️ دوسری پوزیشن کی سخت جنگ
آسٹریا اور الجزائر دونوں کے 3،3 پوائنٹس ہیں، جس کے باعث آخری میچ میں ناک آؤٹ مرحلے کی دوڑ انتہائی دلچسپ ہو گئی ہے۔
⚠️ اردن مشکل میں
اردن مسلسل دو شکستوں کے بعد بغیر کسی پوائنٹ کے آخری نمبر پر ہے اور اگلے مرحلے تک رسائی کے امکانات انتہائی محدود ہو چکے ہیں۔
الجزائر اور آسٹریا میں فیصلہ کن معرکہ
گروپ جے میں الجزائر اور آسٹریا کے درمیان کانٹے دار مقابلہ کینساس سٹی میں کھیلا جائے گا۔ دونوں ٹیموں کے پاس 3، 3 پوائنٹس ہیں، تاہم بہتر گول فرق کی وجہ سے آسٹریا دوسرے جبکہ الجزائر تیسرے نمبر پر ہے۔
الجزائر کو اگلے مرحلے کی امیدیں روشن رکھنے کے لیے فتح درکار ہوگی، جبکہ آسٹریا کے لیے ڈرا بھی فائدہ مند ثابت ہو سکتا ہے۔
دونوں ٹیموں کے درمیان بھی یہ پہلی باقاعدہ بین الاقوامی ملاقات ہوگی۔
ارجنٹائن
آسٹریا
اعداد و شمار کے مطابق انگلینڈ، کولمبیا اور ارجنٹینا اپنے اپنے مقابلوں میں مضبوط پوزیشن رکھتے ہیں، جبکہ الجزائر، پاناما، کانگو، ازبکستان اور اردن کے لیے یہ میچز ’کرو یا مرو‘ کی حیثیت اختیار کر چکے ہیں۔