عسیر کے ظہران الجنوب علاقے میں سرحدی سیکیورٹی فورس نے 6 غیر ملکیوں کو گرفتار کیا ہے۔
مذکورہ افراد غیر قانونی طور پر سرحد عبور کرکے ملک میں داخل ہوئے تھے۔
عاجل ویب سائٹ کے مطابق سرحدی سیکیورٹی فورس نے کہا ہے کہ مذکورہ افراد کے قبضے سے 31 کلوگرام حشیش اور 22,500 نشہ آور گولیاں ضبط ہوئی ہیں۔
گرفتار شدگان کے خلاف ضابطے کی کارروائی مکمل کی گئی ہے اور انہیں ضبط شدہ اشیاء سمیت متعلقہ ادارے کے حوالے کر دیا گیا ہے۔
سرحدی سیکیورٹی فورس نے شہریوں اور مقیم افراد سے اپیل کی ہے کہ کسی بھی قسم کی منشیات کی اسمگلنگ یا فروخت سے متعلق معلومات مطلع کریں۔