گروپ بی کے آخری مرحلے میں کینیڈا اور سوئٹزرلینڈ پہلی پوزیشن کے لیے جبکہ قطر اور بوسنیا بقا کی جنگ میں مدمقابل ہوں گے۔
چاروں ٹیموں کے لیے یہ میچ ٹورنامنٹ کے مستقبل کا فیصلہ کریں گے۔
سوئٹزرلینڈ بمقابلہ کینیڈا
کینیڈا کے شہر وینکوور میں آج گروپ بی کی دو مضبوط ترین ٹیمیں آمنے سامنے ہوں گی، جہاں سوئٹزرلینڈ اور کینیڈا ورلڈ کپ 2026 کے گروپ مرحلے کے آخری اور فیصلہ کن میچ میں ٹکرائیں گے۔
دونوں ٹیموں کے 4، 4 پوائنٹس ہیں تاہم بہتر گول فرق کی بدولت کینیڈا سرفہرست جبکہ سوئٹزرلینڈ دوسرے نمبر پر موجود ہے۔
| # | ٹیم | کھیلے | گول فرق | پوائنٹس |
|---|---|---|---|---|
| 1 |  کینیڈا |
2 | +6 | 4 |
| 2 |  سوئٹزرلینڈ |
2 | +3 | 4 |
| 3 |  بوسنیا و ہرزیگووینا |
2 | -3 | 1 |
| 4 |  قطر |
2 | -6 | 1 |
کینیڈا نے اب تک دو میچوں میں سات گول اسکور کیے اور صرف ایک گول کھایا، جبکہ سوئٹزرلینڈ نے 5 گول کیے اور دو گول اپنے خلاف سہے۔
یہی وجہ ہے کہ میزبان ٹیم کو معمولی برتری حاصل ہے۔
دلچسپ بات یہ ہے کہ دونوں ٹیمیں تاریخ میں پہلی بار کسی باضابطہ مقابلے میں ایک دوسرے کے مدمقابل ہوں گی، جس سے اس میچ کی اہمیت اور سنسنی مزید بڑھ گئی ہے۔
اعداد و شمار پر مبنی ماڈل کے مطابق کینیڈا کی جیت اور ڈرا کے امکانات برابر 45 فیصد ہیں، جبکہ سوئٹزرلینڈ کی کامیابی کے امکانات صرف 10 فیصد بتائے گئے ہیں۔
اس لیے میزبان ٹیم نسبتاً مضبوط پوزیشن میں دکھائی دیتی ہے، تاہم ناک آؤٹ مرحلے کی دوڑ میں ایک غلطی بھی مہنگی پڑ سکتی ہے۔
کینیڈا
قطر
قطر اور بوسنیا کی بقا کی جنگ
دوسری جانب امریکی شہر سیئٹل میں قطر اور بوسنیا و ہرزیگووینا کے درمیان ایسا مقابلہ ہوگا جسے حقیقی معنوں میں ’کرو یا مرو‘ میچ قرار دیا جا سکتا ہے۔
دونوں ٹیموں کے پاس صرف ایک، ایک پوائنٹ ہے اور شکست کی صورت میں ورلڈ کپ سے اخراج تقریباً یقینی ہوگا۔
بوسنیا گروپ میں تیسرے نمبر پر ہے۔
اس نے دو میچوں میں دو گول کیے اور 5 گول کھائے ہیں، جبکہ قطر کا دفاع بدترین ثابت ہوا ہے، جس نے 7 گول کھائے اور صرف ایک گول اسکور کیا۔
لازمی فتح
قطر کو بوسنیا و ہرزیگووینا کے خلاف ہر صورت جیتنا ہوگا۔
دوسرے میچ کا نتیجہ
سوئٹزرلینڈ کو کینیڈا کے خلاف کامیابی حاصل کرنا ہوگی۔
گول فرق بہتر کریں
قطر کو بڑے مارجن سے جیت درکار ہے تاکہ گول فرق بہتر ہو سکے۔
تیسرے نمبر کا راستہ
بہترین تیسرے نمبر والی ٹیموں میں جگہ بھی امید برقرار رکھ سکتی ہے۔
یہ دونوں ٹیمیں بھی تاریخ میں پہلی مرتبہ آمنے سامنے آئیں گی، اس لیے ماضی کا کوئی ریکارڈ میچ کے نتائج پر اثرانداز نہیں ہوگا۔
اعداد و شمار کے مطابق بوسنیا کی جیت اور ڈرا کے امکانات 45، 45 فیصد ہیں، جبکہ قطر کی کامیابی کے امکانات صرف 10 فیصد دکھائے گئے ہیں۔
ایسے میں عنابی ٹیم کو نہ صرف اپنی کارکردگی بہتر بنانا ہوگی بلکہ ممکنہ طور پر قسمت کا ساتھ بھی درکار ہوگا۔