سپریم کورٹ کے تحت قائم رویت ہلال کمیٹی نے 29 ذوالحجہ 1447ھ میں رؤیتِ ہلال کی تصدیق کرتے ہوئے بتایا ہے کہ مختلف علاقوں سے موصول ہونے والی شہادتوں اور متعلقہ عدالتوں کی رپورٹس کا تفصیلی جائزہ لیا گیا، جس کے بعد محرم الحرام کے چاند کی رؤیت ثابت ہونے کا فیصلہ کیا گیا ہے۔
سعودی پریس ایجنسی کے مطابق عدالت نے کہا ہے کہ رویت ہلال کمیٹی نے 29 ذوالحجہ 1447ھ کی شام چاند دیکھنے کے حوالے سے موصول ہونے والی تمام معلومات اور شرعی شہادتوں کا بغور مطالعہ کیا، جس کے بعد نئے قمری مہینے کے آغاز کا باضابطہ اعلان جاری کیا گیا ہے۔
محرم الحرام
اسلام کے
4 محترم مہینوں
میں سے ایک ہے
اس اعلان کے ساتھ ہی سعودی عرب سمیت دنیا بھر کے مسلمانوں کے لیے اسلامی سال 1448ھ کا آغاز ہو گیا ہے۔
خیال رہے کہ محرم الحرام اسلامی کلینڈر کا پہلا مہینہ ہے اور اسے اسلام کے 4 محترم مہینوں میں شمار کیا جاتا ہے جن کا ذکر قرآن کریم میں بھی آیا ہے۔
محرم الحرام کو تاریخِ اسلام میں خصوصی اہمیت حاصل ہے، کیونکہ اسی مہینے میں یومِ عاشوراء آتا ہے جو اسلامی تاریخ کے اہم ترین ایام میں شمار ہوتا ہے۔
مسلمان اس دن روزہ رکھنے اور عبادات کا خصوصی اہتمام کرتے ہیں۔
نئے ہجری سال کے آغاز کے ساتھ مختلف اسلامی، سماجی اور مذہبی ادارے بھی اپنے سالانہ پروگراموں اور سرگرمیوں کا آغاز کرتے ہیں۔