بنگلہ دیش کے وزیر خارجہ خلیل الرحمن اقوام متحدہ کی جنرل اسمبلی کے 81 ویں سیشن کے صدر منتخب ہو گئے ہیں۔
مزید پڑھیں
انہوں نے خفیہ رائے شماری کے ذریعے ہونے والے اس انتخاب میں قبرص کے امیدوار اینڈریاس کاکوریس کو شکست دے کر یہ اہم عالمی کامیابی حاصل کی ہے۔
انتخابی عمل کے دوران خلیل الرحمن نے 99 ووٹ حاصل کیے جبکہ ان کے مدمقابل قبرصی امیدوار کو 91 ووٹ مل سکے۔
سے سنبھالیں گے اور ان کی مدت ملازمت ایک سال پر محیط ہوگی۔
اپنی کامیابی کے بعد پہلے ردعمل میں خلیل الرحمن نے کہا کہ اقوام متحدہ کو اس وقت جنگوں اور بڑھتے ہوئے تنازعات جیسے سنگین چیلنجز کا سامنا ہے۔
انہوں نے خبردار کیا کہ ان حالات کی وجہ سے عالمی ادارے پر عوامی اعتماد کمزور ہو سکتا ہے جس کا تدارک ضروری ہے۔
جنرل اسمبلی
کی موجودہ صدر
اینالینا بیربوک
نے خلیل الرحمن
کو مبارکباد
دیتے ہوئے ان کی
سفارتی مہارت
کو سراہا۔
نو منتخب صدر نے عالمی امن کے قیام کے لیے اپنی بھرپور وابستگی کا اعادہ کرتے ہوئے ایک جامع حکمت عملی اپنانے پر زور دیا۔ انہوں نے واضح کیا کہ وہ قیام امن کی کوششوں کو مزید مستحکم کرنے اور عالمی چیلنجز کا مقابلہ کرنے کے لیے پرعزم ہیں۔
اقوام متحدہ کے سیکرٹری جنرل انتونیو گوتیرس نے اس موقع پر کہا کہ دنیا کو اس وقت بڑھتی ہوئی عدم مساوات اور موسمیاتی تبدیلیوں جیسے بحرانوں کا سامنا ہے۔
انہوں نے عالمی سطح پر جاری تنازعات کو انسانیت کے لیے ایک بڑا خطرہ قرار دیتے ہوئے تشویش کا اظہار کیا۔
دریں اثنا جنرل اسمبلی کی موجودہ صدر اینالینا بیربوک نے خلیل الرحمن کو مبارکباد دیتے ہوئے ان کی سفارتی مہارت کو سراہا۔
ان کا کہنا تھا کہ خلیل الرحمن کا کثیر الجہتی سفارت کاری میں وسیع تجربہ اقوام متحدہ کے امور کو بہتر طور پر چلانے میں انتہائی مددگار ثابت ہوگا۔
یاد رہے کہ اقوام متحدہ کی جنرل اسمبلی کی صدارت کا عہدہ ہر سال علاقائی بنیادوں پر مختلف خطوں کو باری باری دیا جاتا ہے۔
اس سال صدارت کی باری ایشیا پیسیفک ریجن کی تھی جس کے تحت بنگلہ دیشی وزیر خارجہ کو اس اہم منصب کے لیے منتخب کیا گیا ہے۔