فلپائنی سیامی بچیاں ’اولیویا اور جیانا‘ اپنے والدین کے ساتھ ریاض کے بین الاقوامی ہوائی اڈے پر پہنچ گئی ہیں۔
سبق ویب سائٹ کے مطابق سعودی قیادت کی ہدایت پر عمل کرتے ہوئے سیامی بچیوں کو سعودی عرب میں علیحدگی کے لیے لایا گیا ہے۔
سیامی بچیوں کے پہنچنے کا مقصد سعودی ماہر طبی ٹیم کے زیرِ انتظام ضروری طبی معائنوں کا آغاز کرنا ہے تاکہ انہیں دار الحکومت کے جدید طبی مرکز میں علیحدگی کے لیے تیار کیا جا سکے۔
یہ اقدام انسانی اور طبی خدمات کی کاوشوں کے تحت کیا گیا ہے، جس میں سعودی عرب مختلف ممالک کے سیامی بچوں کو علاج کے لیے قبول کرتا ہے۔