پیو ریسرچ سینٹر کے ’پیو نائٹ‘اقدام کے تحت ہونے والی ایک حالیہ تحقیق میں انکشاف ہوا ہے کہ بدلتے ہوئے میڈیا منظر نامے میں امریکی اب ایک اچھے خبر بین کے لیے شک اور ذاتی تحقیق کو بنیادی خصوصیت قرار دے رہے ہیں۔
مزید پڑھیں
محقق الیسا شیرر کی یہ رپورٹ 18 مئی 2026 کو شائع ہوئی، جس کی بنیاد دسمبر 2025 میں کیا گیا سروے ہے۔ اس مطالعے کا مقصد مصنوعی ذہانت اور سیاسی تقسیم کے دور میں عوامی رویے سمجھنا تھا۔
تحقیق کے مطابق ہر 5 میں سے ایک امریکی کا ماننا ہے کہ خبروں کا بہترین استعمال تنقیدی سوچ سے ہے۔ وہ ہر خبر پر یقین کرنے کے بجائے اسے پروپیگنڈا اور مخصوص ایجنڈے کے تناظر میں دیکھتے ہیں۔
سروے میں شامل 12 فیصد افراد نے کہا کہ اچھا صارف وہ ہے جو مختلف ذرائع سے خود خبروں کی تصدیق کرے۔
انہوں نے کہا کہ وہ صرف سرکاری بیانیے یا روایتی میڈیا اداروں کی فراہم کردہ معلومات پر اکتفا کرنے کے حق میں نہیں ہیں۔
اس مطالعے کے حیران کن نتائج بتاتے ہیں کہ 82 فیصد امریکی اب خبروں کی درستی جانچنے کے لیے کم از کم کبھی نہ کبھی ذاتی طور پر تحقیق ضرور کرتے ہیں۔
ماہرین کے مطابق یہ رجحان روایتی میڈیا اداروں پر بڑھتے ہوئے عدم اعتماد کی عکاسی کرتا ہے۔
سروے کے تقریباً 17 فیصد شرکا نے روزانہ کی بنیاد پر حالات حاضرہ سے باخبر رہنے کو اچھے صارف کی نشانی قرار دیا، تاہم نوجوانوں میں یہ رجحان کم ہے کیونکہ وہ خبریں تلاش کرنے کے بجائے سوشل میڈیا پر اتفاقیہ طور پر دیکھتے ہیں۔
20% associate a sense of skepticism or discernment with being a good news consumer. 🤔
— Pew Research Center (@pewresearch) May 14, 2026
Another common description of being a good news consumer is someone who follows the news or stays informed. 🔍
رپورٹ کے مطابق 13 فیصد امریکی معیاری اور متوازن ذرائع کی پیروی پر زور دیتے ہیں، تاہم امریکہ میں شدید سیاسی تقسیم کی وجہ سے ریپبلکن اور ڈیموکریٹک حامیوں کے نزدیک معتبر ذرائع کی تعریف ایک دوسرے سے بالکل مختلف ہے۔
تحقیق کے 10 فیصد شرکا کا خیال ہے کہ حقیقت تک رسائی کے لیے مختلف سیاسی نقطہ نظر رکھنا ضروری ہے۔
شرکا نے مختلف میڈیا ہاؤسز سے معلومات جمع کر کے اپنی رائے قائم کرنا ہی گمراہ کن معلومات سے بچنے کا واحد راستہ قرار دیا گیا۔
مطالعے میں شامل افراد نے خبریں شیئر کرنے سے پہلے ان کی تصدیق کو انفرادی ذمہ داری قرار دیا۔ ان کا کہنا تھا کہ خبروں کا مقصد ووٹنگ جیسے اہم سیاسی اور زندگی کے فیصلوں میں بہتر آگاہی حاصل کرنا ہونا چاہیے۔
Find out, in Americans' own words, what makes a good news consumer: https://t.co/6ypBZxZovu #PewKnightInitiative
— Pew Research Center (@pewresearch) May 14, 2026
تحقیق کے نتائج ثابت کرتے ہیں کہ آج کے جدید ٹیکنالوجی کے دور میں سامعین اب محض معلومات حاصل کرنے والے نہیں رہے۔ وہ اب معلومات کے اس سیلاب میں حقائق کی چھان بین، تمیز اور تشخیص کرنے والے ایک فعال کردار میں ڈھل چکے ہیں۔