سعودی سپریم کورٹ نے ملک بھر کے تمام مسلمانوں سے اپیل کی ہے کہ وہ ذوالحجہ کا چاند دیکھنے کی کوشش کریں۔
یہ رویت ہلال کل اتوار کی شام، 30 ذوالقعدہ 1447ھ بمطابق 17 مئی 2026ء کو کی جائے گی۔
سعودی پریس ایجنسی کے مطابق یہ اعلان سپریم کورٹ کے جاری کردہ بیان میں کیا گیا جس میں کہا گیا کہ ام القریٰ کیلنڈر کے مطابق ہفتہ یکم ذو القعدہ بمطابق 18 اپریل 2026ء، شوال 1447ھ کے 30 دن مکمل کرنے والا دن تھا جبکہ اتوار 2/11/1447ھ بمطابق 19 اپریل 2026ء، ذوالقعدہ 1447ھ کا پہلا دن قرار پایا۔
مختلف علاقوں میں
رویت ہلال
کمیٹیاں فعال
اسی بنیاد پر سپریم کورٹ نے مملکت کے تمام مسلمانوں سے ایک بار پھر اپیل کی ہے کہ وہ اتوار کی شام 30 ذوالقعدہ 1447ھ، بمطابق 17 مئی 2026ء کو ذوالحجہ کا چاند دیکھنے کا اہتمام کریں۔
بیان میں مزید کہا گیا کہ سپریم کورٹ ان افراد سے گزارش کرتی ہے جو چاند کو کھلی آنکھ یا دوربین کے ذریعے دیکھیں، وہ اپنی گواہی قریبی عدالت میں درج کروائیں یا قریبی مرکز سے رابطہ کریں تاکہ انہیں متعلقہ عدالت تک پہنچنے میں مدد دی جا سکے۔
سپریم کورٹ نے یہ امید بھی ظاہر کی کہ جو افراد رویت ہلال کی صلاحیت رکھتے ہیں، وہ اس اہم قومی و دینی فریضے میں دلچسپی لیں اور اس مقصد کے لیے مختلف علاقوں میں قائم کمیٹیوں کے ساتھ تعاون کریں۔