امریکی صدر ڈونلڈ ٹرمپ نے آج بدھ کے روز کہا ہے کہ امریکا، ایران سے افزودہ یورینیم حاصل کرے گا جبکہ دونوں ممالک کے درمیان جنگ کے خاتمے کے لیے ایک معاہدے تک پہنچنے کی کوششیں جاری ہیں۔
ٹرمپ نے یہ بیان وائٹ ہاؤس میں ایک تقریب سے روانگی کے دوران صحافیوں سے گفتگو کرتے ہوئے دیا، جہاں انہوں نے مختصر انداز میں کہا ’ہم اسے حاصل کر لیں گے‘۔
مزید پڑھیں
العربیہ کے مطابق ایران کو جوہری ہتھیار حاصل کرنے سے روکنا ٹرمپ انتظامیہ کے بنیادی اہداف میں شامل ہے، خاص طور پر ان فوجی حملوں کے تناظر میں جو گزشتہ عرصے کے دوران ایرانی تنصیبات پر کیے گئے۔
رمپ نے چینل ’پی بی ایس‘ کو دیے گئے ایک انٹرویو میں کہا کہ ایرانی جوہری ایندھن کو امریکا منتقل کرنا دونوں ممالک کے درمیان مجوزہ معاہدے کی ایک شرط ہے۔
جب ان سے ان اطلاعات کے بارے میں سوال کیا گیا کہ بیرونِ ملک جوہری ایندھن کی منتقلی مستقبل کے معاہدے کی شرط ہو سکتی ہے، تو صدر نے جواب دیا ’نہیں، یہ ممکن نہیں، لیکن اسے امریکا منتقل کیا جائے گا‘۔
معاہدہ آئندہ
ہفتے چین کے
دورے سے پہلے
بھی ممکن ہے
ٹرمپ نے کہا کہ ایران کے ساتھ معاہدہ طے پانا ممکن ہے اور یہ ان کے آئندہ ہفتے چین کے متوقع دورے سے پہلے بھی ہو سکتا ہے۔
انہوں نے مزید کہا کہ اپنے ایلچی وٹکوف اور کوشنر کو تہران کے ساتھ مذاکرات کے لئے بھیجنے کا امکان کم ہے۔
ان کے بقول ’میرا خیال ہے کہ ہم یہ معاملہ یہاں ہی طے کر سکتے ہیں اور شاید آخری ملاقات کسی مقام پر دستخطی تقریب کے لیے مختص کی جائے گی۔
ٹرمپ نے اس امید کا اظہار کیا کہ اس معاملے کے ختم ہونے کا بہت اچھا امکان موجود ہے تاہم انہوں نے خبردار کرتے ہوئے کہا کہ اگر یہ ختم نہ ہوا تو ہمیں دوبارہ ان پر انتہائی شدید بمباری کرنا پڑے گی۔
انہوں نے بتایا کہ مجوزہ منصوبے میں ایرانی یورینیم کو امریکا منتقل کرنا نئے معاہدے کی شقوں کا حصہ ہے۔
امریکی صدر ڈونلڈ ٹرمپ نے ایران کو دھمکی دیتے ہوئے کہا کہ اگر تہران نے جنگ کے خاتمے کے لیے امریکی تجویز مسترد کر دی تو اس پر شدید بمباری کی جائے گی۔