محکمہ شماریات نے آج جمعرات کو کہا ہے کہ 2026 کی پہلی سہ ماہی کے دوران حقیقی مجموعی گھریلو پیداوار GDP میں 2.8 فیصد اضافہ ریکارڈ کیا گیا، جو 2025 کی اسی مدت کے مقابلے میں ہے، یہ اعداد و شمار ابتدائی تخمینوں پر مبنی ہیں۔
سعودی پریس ایجنسی کے مطابق اتھارٹی نے کہا ہے کہ یہ نمو تمام بڑے اقتصادی شعبوں میں اضافے کے باعث ہوئی، جہاں غیر تیل سرگرمیوں میں 2.8 فیصد، تیل کے شعبے میں 2.3 فیصد جبکہ سرکاری سرگرمیوں میں سالانہ بنیاد پر 1.5 فیصد اضافہ ریکارڈ کیا گیا۔
مزید پڑھیں
اتھارٹی نے وضاحت کی کہ شرح نمو میں سب سے زیادہ حصہ غیر تیل سرگرمیوں کا رہا، جس کا حصہ 1.7 فیصد پوائنٹس تھا، اس کے بعد تیل کے شعبے کا 0.7 فیصد پوائنٹس، پھر سرکاری سرگرمیوں کا 0.3 فیصد پوائنٹس جبکہ مصنوعات پر خالص ٹیکسز کا حصہ 0.2 فیصد پوائنٹس رہا۔
موسمی طور پر ایڈجسٹ سہ ماہی بنیاد پر دیکھا جائے تو 2026 کی پہلی سہ ماہی میں حقیقی GDP میں 1.5 فیصد کمی واقع ہوئی، جو 2025
کی چوتھی سہ ماہی کے مقابلے میں ہے۔
یہ کمی سرکاری اور تیل کے شعبوں میں 7.2 فیصد کمی کے باعث ہوئی، جبکہ غیر تیل سرگرمیوں میں 0.8 فیصد اور سرکاری سرگرمیوں میں 0.2 فیصد اضافہ ریکارڈ کیا گیا۔
اعداد و شمار کے مطابق سہ ماہی بنیاد پر آنے والی اس کمی کی بنیادی وجہ تیل کے شعبے کی منفی شراکت رہی، جو 1.7 فیصد پوائنٹس تھی جبکہ غیر تیل اور سرکاری سرگرمیوں نے معمولی مثبت شراکت ’ہر ایک 0.1 فیصد پوائنٹس‘ دی اور مصنوعات پر خالص ٹیکسز کا اثر نہایت محدود رہا۔