خالد نواز چیمہ
جدہ
پاکستان کے قونصل جنرل جدہ سید مصطفی ربانی نے گورنر الباحہ شہزادہ حسام بن سعود بن عبد العزیز آل سعود سے اہم ملاقات کی ہے۔
ملاقات کےدوران باہمی تعلقات اور مختلف امور پر تبادلہ خیال کیا گیا۔
گورنر الباحہ نے قونصل جنرل کا اپنے دفتر میں نہایت پرتپاک استقبال کیا اور دونوں جانب سے دوستانہ ماحول میں گفتگو ہوئی۔
ملاقات کے دوران اس بات پر اتفاق کیا گیا کہ باہمی روابط کو مزید مضبوط بنانے کے لیے اس نوعیت کی ملاقاتوں کا سلسلہ جاری رکھا جائے گا۔
اس موقع پر گورنر الباحہ نے سعودی عرب، بالخصوص الباحہ میں مقیم پاکستانی کمیونٹی کی سعودی قیادت کے لیے محبت اور مثبت کردار کو سراہتے ہوئے شکریہ ادا کیا۔
قونصل جنرل سید مصطفی ربانی کے ہمراہ قونصلیٹ کی قونصل ویلفیئر بھی موجود تھیں، جنہوں نے کمیونٹی سے متعلق امور پر گفتگو میں حصہ لیا۔