مالی کے وزیر اعظم مدینہ منورہ پہنچ گئے

جمہوریہ مالی کے وزیرِ اعظم عبداللہ مائیگا اور ان کے ہمراہ وفد آج مدینہ منورہ پہنچے ہیں۔
انہوں نے مسجدِ نبوی شریف کی زیارت کی، وہاں نماز ادا کی، اور رسولِ اکرمﷺ اور آپؐ کے دو صحابۂ کرام رضوان اللہ علیہم اجمعین پر سلام پیش کرنے کی سعادت حاصل کی ہے۔
مدینہ منورہ گورنریٹ کے سکریٹری عبدالمحسن بن نایف بن حمید، ایوان شاہی کے نمائندے ابراہیم بن عبداللہ بری اور متعدد حکام نے شہزادہ محمد بن عبدالعزیز بین الاقوامی ہوائی اڈے پر ان کا استقبال کیا ہے۔