سعودی عرب کی سرکاری خبر رساں ایجنسی ’واس‘ نے مملکت کی سرزمین پر کھینچی گئی قدیم ترین تاریخی تصویر جاری کر دی ہے۔
مزید پڑھیں
العربیہ کے مطابق یہ نایاب تصویر 1861 کی ہے، جسے سعودی عرب میں فوٹو گرافی کی تاریخ کا پہلا اور مستند ترین نقش قرار دیا جاتا ہے۔
یہ تاریخی تصویر مصری فوج کے کرنل محمد صادق نے اس وقت کھینچی تھی جب وہ مدینہ منورہ کے دورے پر تھے۔
وہ اس وقت حجاج کرام کے لیے الوجه اور ینبع کے درمیان راستوں کا سروے کرنے اور نقشہ سازی کی اہم سرکاری ذمہ داری نبھا رہے تھے۔
کتاب ’سعودی عرب میں صحافتی فوٹو گرافی کا آغاز‘ کے مطابق یہ مملکت میں لی گئی پہلی معلوم تصویر ہے۔
اس دور میں فوٹو گرافی کے لیے استعمال ہونے والا کیمرہ انتہائی جسیم تھا اور اس میں تصویر کشی کے لیے ’ویٹ پلیٹ‘ کا طریقہ کار استعمال کیا جاتا تھا۔
کتاب ’سعودی عرب میں صحافتی فوٹو گرافی کا آغاز‘ کے مطابق یہ مملکت میں لی گئی پہلی معلوم تصویر ہے۔
کرنل محمد صادق 1881 میں دوبارہ تشریف لائے تو انہوں نے مکہ مکرمہ سمیت مدینہ منورہ کا تفصیلی دورہ کیا۔
اس دوسرے سفر کے دوران انہوں نے جدید تکنیک استعمال کرتے ہوئے حج کے مناسک اور مقدس مقامات کی متعدد تصاویر کھینچ کر انہیں محفوظ کیا۔
یہ تصاویر سعودی عرب کی سماجی و جغرافیائی تاریخ کو دستاویز میں محفوظ کرنے کا پہلا ذریعہ مانی جاتی ہیں۔
یہ تاریخی ریکارڈ نہ صرف حج کے قدیم راستوں کی نشاندہی کرتا ہے بلکہ اس دور کے طرز زندگی اور تعمیرات کی بہترین عکاسی بھی کرتا ہے۔
