ولی عہد و وزیر اعظم شہزادہ محمد بن سلمان بن عبد العزیز آل سعود سے جمہوریہ سوڈان کی خودمختار کونسل کے عبوری سربراہ عبد الفتاح البرہان اور ہمراہ وفد نے ملاقات کی ہے۔
سعودی پریس ایجنسی کے مطابق جدہ میں ہونے والی ملاقات کے دوران سوڈان کی موجودہ صورتحال اور اس کے اثرات پر تبادلۂ خیال کیا گیا اور اس حوالے سے جاری کوششوں کا جائزہ لیتے ہوئے سوڈان کے امن و استحکام کو یقینی بنانے، اس کی خودمختاری کے تحفظ اور اس کی سرزمین کی وحدت و سالمیت برقرار رکھنے پر زور دیا گیا ہے۔