کویت کی مسلح افواج کے جنرل ہیڈکوارٹرز نے اعلان کیا ہے کہ بری فوج کے انجینئرنگ یونٹ سے وابستہ دھماکہ خیز مواد کی جانچ اور تلفی کرنے والی خصوصی ٹیم نے آج صبح میدان میں موجود باقی ماندہ بارودی مواد کو تلف کرنے کے لیے باقاعدہ آپریشن شروع کر دیا ہے۔
مزید پڑھیں
سبق ویب سائٹ کے مطابق بیان میں کہا گیا کہ یہ کارروائی ایک منظم اور تکنیکی منصوبے کے تحت انجام دی جا رہی ہے، جس کا مقصد مختلف علاقوں میں موجود خطرناک دھماکہ خیز باقیات کو محفوظ طریقے سے ختم کرنا ہے تاکہ کسی بھی ممکنہ حادثے یا خطرے سے بچا جا سکے۔
مسلح افواج نے شہریوں کو آگاہ کیا ہے کہ اس دوران بعض علاقوں میں
وقفے وقفے سے دھماکوں کی آوازیں سنائی دے سکتی ہیں تاہم یہ آوازیں کسی ہنگامی صورتحال کا نتیجہ نہیں بلکہ پہلے سے طے شدہ فنی کارروائی کا حصہ ہیں۔
مزید کہا گیا ہے کہ یہ تمام اقدامات اعلیٰ حفاظتی معیار اور احتیاطی تدابیر کے ساتھ کیے جا رہے ہیں، تاکہ عوام کی سلامتی کو یقینی بنایا جا سکے اور علاقے کو مکمل طور پر محفوظ بنایا جا سکے۔