تیل کی قیمتیں دوبارہ بڑھ کر 97 ڈالر فی بیرل سے تجاوز کر گئی ہیں جبکہ اسی دوران ایشیائی اسٹاک مارکیٹس کے اشاریے آج کے سیشن کے دوران نمایاں کمی کا شکار ہوئے۔
جاپان کا نکئی 225 انڈیکس 0.9 فیصد کی کمی کے ساتھ 55,824.30 پوائنٹس پر آ گیا، جس پر بڑی کمپنیوں کے حصص کی فروخت کا اثر پڑا۔
جنوبی کوریا میں کوسپی انڈیکس 1.6 فیصد کی کمی کے ساتھ 5,776.03 پوائنٹس پر پہنچ گیا۔
ہانگ کانگ میں ہینگ سینگ انڈیکس 0.4 فیصد گر کر 25,801.87 پوائنٹس پر بند ہوا، جبکہ چین کے شنگھائی کمپوزٹ انڈیکس میں 0.7 فیصد کمی دیکھنے کو ملی اور یہ 3,965.70 پوائنٹس پر بند ہوا۔
آسٹریلیا میں سٹینڈرڈ اینڈ پورز/اے ایس ایکس 200 اشاریہ 0.1 فیصد کم ہوا، اور امریکی فیوچرز میں بھی 0.1 فیصد سے زیادہ کمی دیکھی گئی، جو آئندہ وال اسٹریٹ کی تجارت پر ممکنہ دباؤ کی نشاندہی کرتی ہے۔
ادھر کراچی اسٹاک مارکیٹ میں تاحال 16 فیصد تیزی ہے جبکہ سعودی اسٹاک مارکیٹ کا تاسی انڈیکس کمی کا شکار ہے۔
غیر یقینی صورتحال کے باعث گولڈ کی قیمت ایک ہی رینج میں ہے اور اس وقت وہ 4724 ڈالر پر ٹریڈ ہو رہا ہے۔