امریکی صحافت نے آج جمعہ کو تصدیق کی ہے کہ ایران نے ملک کے جنوب میں ایک امریکی جنگی طیارہ مار گرایا ہے جس کے بعد امریکی فوج نے فوری طور پر تلاش اور ریسکیو آپریشن شروع کردیا۔
ایران کی طرف سے بھی طیارے کے عملے کی معلومات دینے والے کو انعام دینے کا اعلان بھی کیا گیا ہے۔
نيو يارک ٹائمز نے امریکی حکام کے حوالے سے بتایا کہ ایران نے ایک امریکی جنگی طیارہ مار گرایا ہے تاہم طیارے کی نوعیت واضح نہیں کی گئی اور عملے کی حالت ابھی تک نامعلوم ہے۔
اخبار کے مطابق امریکی فوج نے جلد از جلد کسی بھی زندہ بچ جانے والے تک پہنچنے کے لیے تلاش اور ریسکیو کارروائی تیز کر دی ہے۔
اس کے علاوہ، امریکی فوج نے ایران کے قریب متعدد ٹیمیں تعینات کی ہیں تاکہ کسی بھی امریکی جنگی طیارے کے مار گرنے کی صورت میں فوری تلاش اور ریسکیو آپریشن انجام دیا جا سکے۔
وال اسٹریٹ جرنل نے بھی رپورٹ کیا کہ امریکی فوج ایک امریکی جنگی طیارے کے عملے کی تلاش اور ریسکیو کی کارروائی کر رہی ہے۔
رائٹرز کے ایک امریکی اہلکار نے بھی تصدیق کی کہ ایران میں ایک امریکی جنگی طیارہ مار گرایا گیا اور عملے کی تلاش جاری ہے۔
دوسرت طرف ایرانی ٹی وی کے مطابق ایرانی حکام نے اعلان کیا ہے کہ جو بھی امریکی پائلٹ یا پائلٹس کو گرفتار کر کے پولیس یا فوج کے حوالے کرے گا، اسے مالی انعام دیا جائے گا۔