ملتان پریس کلب میں عالمگیر فرینڈ شپ فاؤنڈیشن پاکستان کے چئیرمین قاری اکرم عالمگیر اور جنرل سیکرٹری پروفیسر عبدالماجد وٹو نے پریس کانفرنس کے دوران کہا کہ سعودی عرب امت مسلمہ کا مرکز ہے اور اس کے خلاف کسی بھی سازش کو کامیاب نہیں ہونے دیا جائے گا۔
مزید پڑھیں
انہوں نے کہا کہ پوری امت مسلمہ، خاص طور پر پاکستانی قوم، سعودی عرب کے ساتھ کھڑی ہے۔
کانفرنس میں ملتان کے اہم سماجی رہنماؤں مفتی صادق، مفتی محسن، حافظ ابوبکر اکرم، چوہدری علی فقیر، گل نسرین، پیر ایوب صدرپوری اور حمزہ چوہری بھی موجود تھے۔
مقررین نے کہا کہ سعودی قیادت نے ہمیشہ عالم اسلام کے مفادات کا
تحفظ کیا ہے اور ہر مشکل گھڑی میں امت مسلمہ کی رہنمائی کی ہے۔
انہوں نے عالمی طاقتوں سے اپیل کی کہ وہ مسلم ممالک کے اندرونی معاملات میں مداخلت نہ کریں اور اشتعال انگیز بیانات سے گریز کریں۔
موجودہ جنگی حالات میں سعودی عرب کے خلاف کسی بھی قسم کی جارحیت یا دباؤ کو امت مسلمہ پوری قوت کے ساتھ مسترد کرے گی اور اپنے مقدسات، حرمین شریفین اور قیادت کے دفاع کے لیے اپنے وسائل، توانائیاں اور حتیٰ کہ جان کے نذرانے بھی پیش کرنے سے گریز نہیں کرے گی۔