جنوبی ریجن جازان میں ہر موسم گرما میں آم کی بھرپور پیداوار زرعی شعبے کی ترقی کی نوید سناتی ہے۔
مزید پڑھیں
سازگار آب و ہوا اور معیاری اقسام کی بدولت جازان اب مملکت میں آم کی پیداوار کا مرکز بن چکا ہے، جو مقامی معیشت کو مضبوط بنیاد فراہم کر رہا ہے۔
وزارت ماحولیات، پانی و زراعت کے اعداد و شمار کے مطابق جازان میں 10 لاکھ سے زائد آم کے درخت موجود ہیں۔
یہاں کی سالانہ پیداوار تقریباً 65 ہزار ٹن تک پہنچ رہی ہے، جبکہ
مقامی کاشتکاروں کا کہنا ہے کہ جدید طریقوں اور بہتر مارکیٹنگ کی بدولت پیداوار کے معیار اور رسائی میں نمایاں بہتری آئی ہے۔
فوڈ پروسیسنگ اور اقتصادی مواقع
یہاں آم کی زیادہ تر پیداوار فی الحال تازہ پھل کے طور پر فروخت ہوتی ہے، تاہم ماہرین کا کہنا ہے کہ فوڈ پروسیسنگ، مثلاً جوس، ڈرائینگ اور جیمز کی تیاری معاشی قدر میں اضافے کا باعث بن سکتی ہے۔
یہ عمل مصنوعات کی شیلف لائف بڑھانے اور مارکیٹ میں توازن برقرار رکھنے میں مددگار ثابت ہوگا۔
سرمایہ کاری اور صنعتی منصوبہ بندی
جازان کی صنعتی سٹی میں پھلوں کے جوس کا کارخانہ اس تبدیلی کا پہلا قدم ہے۔
اس منصوبے پر 26 ملین ریال کی سرمایہ کاری متوقع ہے جس کی پیداواری صلاحیت 2 ہزار ٹن سالانہ ہے۔ یہ اقدام زرعی پیداوار کو صنعتی شکل دینے اور روزگار کے مواقع پیدا کرنے میں اہم کردار ادا کرے گا۔
سپلائی چین اور مستقبل
جازان کی زرعی مارکیٹنگ کوآپریٹو سوسائٹی کے سربراہ ابراہیم بن محمد ابو شرحہ کے مطابق فوڈ پروسیسنگ کے لیے کولڈ اسٹوریج اور پیکنگ سینٹرز کا قیام ناگزیر ہے۔
یہ بنیادی ڈھانچہ زرعی مصنوعات کی مسابقت بڑھائے گا اور موسمی اتار چڑھاؤ کے دوران قیمتوں کو مستحکم رکھنے میں معاون ثابت ہوگا۔
جازان کے آم کا شعبہ اب روایتی کاشتکاری سے نکل کر ایک منظم صنعتی وژن کی طرف گامزن ہے۔
اگر فوڈ پروسیسنگ اور لاجسٹکس کے شعبوں میں نجی سرمایہ کاری کا تسلسل برقرار رہا تو جازان نہ صرف اپنی مقامی ضروریات پوری کرے گا بلکہ عالمی مارکیٹ میں بھی اپنی ایک الگ شناخت قائم کر سکے گا۔
