وزارتِ دفاع کے ترجمان میجر جنرل ترکی المالکی نے کہا ہے کہ فضائی دفاعی نظام نے الربع الخالی کے علاقے میں ڈرون کو روک کر تباہ کر دیا ہے۔
سبق ویب سائٹ کے مطابق ترجمان نے کہا ہے کہ یہ ڈرون مملکت کے اہم توانائی منصوبوں میں شامل شیبہ ریفائنری کی جانب بڑھ رہا تھا۔
انہوں نے بتایا کہ فضائی دفاعی نظام نے فوری کارروائی کرتے ہوئے ڈرون کو اس کے ہدف تک پہنچنے سے پہلے ہی مار گرایا۔
انہوں نے مزید کہا کہ سعودی فضائی دفاعی افواج مملکت کی سرحدوں اور اہم تنصیبات کے تحفظ کے لیے ہمہ وقت تیار ہیں اور کسی بھی ممکنہ خطرے سے نمٹنے کی مکمل صلاحیت رکھتی ہیں۔