وزارت حج و عمرہ نے رمضان کے دوران عمرہ ادا کرنے کے خواہش مند افراد کو ہدایت کی ہے کہ وہ منصوبہ بندی کرتے ہوئے مناسب وقت کا انتخاب کریں تاکہ عبادت کو زیادہ سکون اور اطمینان کے ساتھ ادا کیا جا سکے۔
سبق ویب سائٹ کے مطابق وزارت نے بتایا ہے کہ عمرہ کے اوقات میں ہجوم کے یہ اشاریے گزشتہ دو ہفتوں کے دوران مختلف دنوں میں آنے والے اوسط رش کی بنیاد پر تیار کیے گئے ہیں، کیونکہ بعض اوقات میں دیگر اوقات کے مقابلے میں زیادہ ازدحام ہوتا ہے۔
اشاریوں کے مطابق:
شام 4 بجے سے رات 10 بجے تک: زیادہ رش
رات 11 بجے سے صبح 4 بجے تک: درمیانہ رش
صبح 5 بجے سے صبح 8 بجے تک: زیادہ رش
صبح 8 بجے سے دوپہر 3 بجے تک: کم رش
وزارت نے زور دیا کہ مناسب وقت کا انتخاب ایک آسان اور پرسکون عمرہ کے لیے پہلا قدم ہے، اور معتمرین کو چاہئے کہ جہاں تک ممکن ہو کم ہجوم والے اوقات سے فائدہ اٹھائیں۔
