کویت پیٹرولیم کارپوریشن نے آج ہفتہ کے روز مشرق وسطیٰ میں بڑھتے ہوئے سیکیورٹی حالات کے پیش نظر اور ہرمز کی تنگی کے ذریعے تیل کی برآمدات میں خطرات کے باعث ’فورس میجر‘ (قوتِ قاہرہ) کی حالت کو فعال کرنے کا اعلان کردیا ہے۔
مزید پڑھیں
سبق ویب سائٹ کے مطابق یہ فیصلہ اس کے بعد آیا ہے کہ کویت نے قبل ازیں ایرانی حملوں اور علاقے میں فوجی کشیدگی کے پیش نظر احتیاطی طور پر تیل کی پیداوار اور ریفائننگ کی کارروائیوں میں کمی کا اعلان کیا تھا۔
یہ اقدام کمپنی کی طرف سے حفاظتی اقدامات کی عکاسی کرتا ہے تاکہ تنصیبات اور عملے کی حفاظت یقینی بنائی جا سکے اور غیر مستحکم
سیکیورٹی حالات کے باوجود تیل کی فراہمی جاری رکھی جا سکے۔
فورس میجر کیا ہے؟
فورس میجر Force Majeure ایک قانونی اصطلاح ہے جو کسی معاہدے یا قانونی ذمہ داری میں ایسے حالات یا واقعات کے لیے استعمال ہوتی ہے جو انسانی کنٹرول سے باہر ہوں اور جن کی وجہ سے کوئی فریق معاہدے کی شرائط پوری کرنے سے قاصر ہو جائے۔
اردو میں اسے عام طور پر “قوتِ قاہره‘ یا ’قابلِ مافوقِ قدرت حالات‘ کہا جاتا ہے۔
خصوصیات:
غیر متوقع اور غیر قابو پذیر: جیسے زلزلے، طوفان، جنگ، دہشت گردی یا حکومت کی پابندیاں وغیرہ۔
معاہدے پر اثر: جب فورس میجر واقع ہوتا ہے، تو متعلقہ فریق عموماً معاہدے کی تعمیل میں تاخیر یا معافی حاصل کر سکتا ہے بغیر قانونی ذمہ داری کے۔
دورانیہ محدود: فورس میجر کا اثر عموماً اس وقت تک رہتا ہے جب تک وہ واقعہ جاری رہتا ہے یا اس کا اثر برقرار ہے۔
مثال: اگر ایک ملک میں سیاسی ہنگامہ یا بندش کے باعث تیل کی ترسیل ممکن نہ ہو، تو تیل فروخت کرنے والا فورس میجر کا دعوی کر کے ذمہ داری سے عارضی طور پر بری ہو سکتا ہے۔
ایران، امریکہ جنگ: کیا ہو رہا ہے؟ باخبر رہنے کے لیے کلک کریں
جمعہ کو امریکی ویسٹ ٹیکسس انٹرمیڈیٹ (WTI) کی فیوچر کنٹریکٹس 12 فیصد سے زائد بڑھ گئیں، اگرچہ یہ برینٹ کرڈ کی قیمت سے کم رہیں، جبکہ برینٹ کرڈ 7.28 ڈالر یا 8.52 فیصد اضافے کے ساتھ 92.69 ڈالر فی بیرل پر پہنچ گیا اور ہفتہ وار منافع تقریباً 27.9 فیصد رہا۔
قطر کے وزیر توانائی نے ’فائننشیل ٹائمز‘ سے گفتگو میں کہا کہ انہیں توقع ہے کہ آنے والے ہفتوں میں خلیجی توانائی پیدا کرنے والے ممالک برآمدات روک سکتے ہیں، جس سے قیمت 150 ڈالر فی بیرل تک جا سکتی ہے۔
امریکی اور اسرائیلی حملے کے بعد ایران نے آبنائہ ہرمز سے تیل کی ٹینکرز کو گزرنے سے روک دیا، جو عالمی یومیہ طلب کا تقریباً 20 فیصد تیل لے کر جاتا ہے۔
اگر یہ راستہ 7 دن کے لیے بند رہے تو تقریباً 140 ملین بیرل خام تیل مارکیٹ تک نہیں پہنچ سکا، جو عالمی یومیہ طلب کے تقریباً 1.4 دن کے برابر ہے۔
