بحرین کی وزارت داخلہ نے کہا ہے کہ سائبر سیکیورٹی ادارے نے 4 افراد کو گرفتار کیا ہے، جو ایرانی جارحیت کے بارے میں ویڈیوز شائع کر کے اس کے ساتھ ہمدردی کا اظہار کر رہے تھے۔
عاجل ویب سائٹ کے مطابق وزارت نے یہ عمل ’وطن کے ساتھ غداری اور ملکی اقدار کے لیے نقصان‘ قرار دیا ہے، کیونکہ یہ مواد سوشل میڈیا پر پھیلا کر عوامی رائے کو گمراہ کرنے اور شہریوں اور مقیم غیر ملکیوں میں خوف پیدا کرنے کا سبب بنتا ہے۔
ایران، امریکہ جنگ: کیا ہو رہا ہے؟ باخبر رہنے کے لیے کلک کریں
وزارت نے بتایا کہ گرفتار شدگان کے خلاف قانونی کارروائی عمل میں لائی گئی اور انہیں پبلک پراسیکیوشن کے حوالے کر دیا گیا۔
وزارتِ داخلہ نے شہریوں اور مقیم غیر ملکیوں سے اپیل کی ہے کہ وہ معلومات صرف معتبر سرکاری ذرائع سے حاصل کریں اور کسی غیر مصدقہ ویڈیو یا خبر کو نہ پھیلائیں تاکہ ملکی سلامتی اور عوامی نظم و ضبط کو نقصان نہ پہنچے۔
