مشرقِ وسطیٰ کی موجودہ سیکیورٹی صورتحال اور اس کے فضائی ٹریفک پر اثرات کے پیشِ نظر، خلیجی اور علاقائی ایئرلائنز نے حفاظتی اقدامات کے تحت پروازوں کی معطلی میں توسیع کا اعلان کیا ہے۔ دوسری جانب اُردن نے اپنی فضائی حدود مکمل طور پر کھول دی ہیں۔
مزید پڑھیں
پروازوں کی معطلی اور اپ ڈیٹس
قطر ایئرویز کی جانب سے پروازوں کی معطلی میں توسیع کر دی گئی ہے۔ اگلی اپ ڈیٹ کل صبح 9 بجے (قطر کے مقامی وقت کے مطابق) جاری کی جائے گی۔
ایئر عربیہ نے کہا ہے کہ کل سہ پہر 3 بجے (متحدہ عرب امارات کے مقامی وقت کے مطابق) تک پروازیں معطل رہیں گی۔
ایران، امریکہ جنگ: کیا ہو رہا ہے، باخبر رہنے کے لیے کلک کریں
جزیرہ ایئرویز اور گلف ایئر کی تمام پروازیں تاحکمِ ثانی معطل ہیں۔ گلف ایئر کل صبح 11 بجے (بحرین کے مقامی وقت کے مطابق) نئی اپ ڈیٹ فراہم کرے گی۔
عمان ایئر کی جمعہ تک دمام، کویت، دوحہ، بحرین، دبئی، عمان، کوپن ہیگن، بغداد اور خصب کے لیے پروازیں معطل رہیں گی۔
امارات، اتحاد ایئرویز اور فلائی دبئی کی شیڈول پروازیں معطل ہیں، تاہم ضروری اجازت نامے ملنے کے بعد مسافروں کی واپسی اور لاجسٹک امور کے لیے کچھ خصوصی پروازیں چلائی جا رہی ہیں۔
اُردن کی فضائی حدود کی بحالی
اُردن کے حکام نے ملکی اور غیر ملکی ایئرلائنز کے لیے اپنی فضائی حدود مکمل طور پر کھول دی ہیں، جس سے خطے میں پروازوں کی روانی میں بہتری متوقع ہے۔
دمام ایئرپورٹ اور ایئرلائنز کی مسافروں کو ہدایات
خطے کی صورتحال کی نزاکت کو دیکھتے ہوئے دمام ایئرپورٹس کمپنی (کنگ فہد انٹرنیشنل ایئرپورٹ) سمیت تمام ایئرلائنز نے مسافروں سے اپیل کی ہے کہ :
1: ایئرپورٹ روانگی سے قبل اپنی ایئرلائنز سے براہِ راست رابطہ کریں اور پرواز کے شیڈول کی تصدیق کریں۔
2: پروازوں کی تازہ ترین معلومات اور کسی بھی ممکنہ تبدیلی سے باخبر رہنے کے لیے صرف ایئرلائنز اور ایئرپورٹس کی آفیشل ویب سائٹس اور منظور شدہ پلیٹ فارمز کا استعمال کریں۔
ایئرلائنز اور ایئرپورٹ حکام نے اس بات پر زور دیا ہے کہ مسافروں اور عملے کی حفاظت ان کی اولین ترجیح ہے اور وہ مسافروں کی سہولت کے لیے مسلسل معلومات فراہم کرنے کی کوشش کر رہے ہیں۔