ایران کے شہر میناب میں مقامی حکام نے اعلان کیا ہے کہ گرلز اسکول ’شجرۃ طیبہ‘ کے مقام پر ملبہ ہٹانے اور تلاش کی کارروائیاں مکمل کر لی گئی ہیں۔
یہ اسکول ایک فضائی حملے کا نشانہ بنا تھا، جس کے نتیجے میں سرکاری اعداد و شمار کے مطابق کم از کم 165 بچیاں جاں بحق ہوئیں۔
ایران، امریکہ جنگ: تازہ خبروں کے لیے کلک کریں
سبق ویب سائٹ کے مطابق حکام کا کہنا ہے کہ ملبہ ہٹانے کا عمل ایسے ماحول میں مکمل ہوا جہاں اہلِ علاقہ میں شدید غم و غصہ اور صدمہ پایا جا رہا تھا۔
ہفتے کی صبح طالبات اپنے اسباق میں مصروف تھیں کہ اچانک عمارتیں منہدم ہو کر کنکریٹ کے ڈھیروں میں تبدیل ہو گئیں اور بچیوں پر آ گریں۔
ایرانی حکام نے بتایا کہ ہلاکتوں کی تعداد بڑھ کر 165 ہو گئی ہے جبکہ 95 افراد زخمی ہوئے ہیں، جن میں بعض کی حالت تشویشناک بتائی گئی ہے اور وہ اسپتالوں میں زیرِ علاج ہیں۔
ابتدائی رپورٹس کے مطابق حملے کے وقت اسکول کی عمارت میں تقریباً 170 طالبات موجود تھیں، جس سے ظاہر ہوتا ہے کہ زیادہ تر متاثرین پرائمری جماعتوں کی طالبات تھیں۔