ایران کے مغربی علاقوں میں آج پیر کو میزائل حملوں کے نتیجے میں متعدد رہائشی عمارتیں تباہ ہو گئیں، جیسا کہ ذرائع ابلاغ نے رپورٹ کیا ہے۔
یہ پیش رفت ایسے وقت میں ہوئی جب امریکہ اور اسرائیل کی جانب سے ایران پر تیسرے روز بھی حملے جاری ہیں جبکہ ایران خلیجی ممالک کے شہروں پر میزائل باری سے جواب دے رہا ہے۔
آج صبح ایران نے قطر، کویت، متحدہ عرب امارات اور بحرین کی جانب میزائلوں اور ڈرونز کی نئی لہر داغی ہے۔
ایران، امریکہ جنگ: تمام خبریں ایک جگہ پر، کلک کریں
ایران کے سرکاری خبر رساں ادارے کے مطابق شہر سنندج کو دشمن کے میزائل حملے کا نشانہ بنایا گیا، جس کے نتیجے میں سنندج پولیس مرکز کے قریب متعدد رہائشی عمارتیں تباہ ہو گئیں اور کم از کم دو شہری جاں بحق ہوئے۔
سرکاری میڈیا نے مغربی ایران پر حملوں میں تین ہلاکتوں کی بھی تصدیق کی ہے۔