سعودی عرب نے ریاض اور مشرقی صوبے پر ہونے والے ایرانی حملوں کی شدید ترین الفاظ میں مذمت کرتے ہوئے انہیں کھلی اور بزدلانہ جارحیت قرار دیا ہے۔
سعودی عرب نے کہا ہے کہ ان حملوں کو ناکام بنا دیا گیا ہے۔
سعودی پریس ایجنسی کے مطابق سعودی عرب نے واضح کیا ہے کہ ان حملوں کو کسی بھی جواز یا بہانے کے تحت درست قرار نہیں دیا جا سکتا اور یہ ایسے وقت میں کی گئیں جب سعودی عرب پہلے ہی یہ مؤقف اختیار کر چکا تھا کہ وہ اپنی فضائی حدود یا سرزمین کو ایران کے خلاف کسی کارروائی کے لیے استعمال نہیں ہونے دے گا۔
ایران، امریکہ جنگ: تازہ ترین خبروں کے لیے کلک کریں
بیان میں زور دیا گیا کہ اس بلاجواز جارحیت کے پیشِ نظر سعودی عرب اپنے قومی تحفظ، سرزمین کے دفاع، شہریوں اور مقیم افراد کی سلامتی کے لیے تمام ضروری اقدامات کرے گا اور اس میں مناسب جواب کا اختیار بھی شامل ہے۔