متحدہ عرب امارات کی وزارتِ دفاع نے اعلان کیا ہے کہ اس کے فضائی دفاعی نظام نے ایرانی میزائلوں کی ایک نئی لہر کو جو ملکی سرزمین کی جانب داغی گئی تھی، کامیابی کے ساتھ روک لیا ہے۔
اماراتی پریس ایجنسی کے مطابق وزارت نے تصدیق کی کہ وہ ہر ممکن خطرے سے نمٹنے کے لیے مکمل طور پر تیار ہے اور ملک کے امن و استحکام کو نقصان پہنچانے کی کسی بھی کوشش کا سختی سے مقابلہ کرنے کے لیے تمام ضروری اقدامات کر رہی ہے۔
ایران، امریکہ جنگ: اپ ڈیٹ رہیں، ہمارے ساتھ رہیں، کلک کریں
بیان میں زور دیا گیا کہ شہریوں، مقیم افراد اور زائرین کی سلامتی اولین ترجیح ہے اور اس معاملے میں کسی قسم کی کوتاہی برداشت نہیں کی جائے گی۔
وزارتِ دفاع کے مطابق مار گرائے گئے میزائلوں کے ملبے مختلف علاقوں میں گرے، جن میں جزيرة السعديات، خليفہ سیٹی، بنی ياس، محمد بن زايد سٹی اور الفلاح شامل ہیں تاہم ان مقامات پر کسی جانی نقصان کی اطلاع نہیں ملی۔