سعودی ایئرلائن نے آج ہفتے کے روز اعلان کیا ہے کہ خطے میں حالات کی کشیدگی اور فضائی حدود کے بند ہونے کے پیشِ نظر، وہ اپنے کچھ پروازیں منسوخ کر رہی ہے تاکہ فضائی سکیورٹی اور حفاظت کے معیارات کو یقینی بنایا جا سکے۔
العربیہ کے مطابق بیان میں کہا گیا کہ ایمرجنسی کوآرڈینیشن سینٹر مسلسل متعلقہ حکام کے ساتھ حالات کا جائزہ لے رہا ہے۔
ایران، امریکہ جنگ: اپ ڈیٹ رہیں، کلک کریں
ایئرلائن انتظامیہ نے مسافروں سے کہا ہے کہ وہ ایئرپورٹ جانے سے پہلے اپنی پروازوں کی تصدیق کریں اور پروازوں سے متعلق تازہ ترین اطلاعات کے لیے اپنی بکنگ کے ذریعے منسلک سوشل میڈیا اور دیگر اطلاع رسانی ذرائع دیکھیں۔
واضح رہے کہ اسی طرح کی ہدایت جدہ، ریاض، اور دمام انٹرنیشنل ایئرپورٹس کی طرف سے بھی جاری ہوئی ہے۔