ترکیہ کے شہر طرابزون سے ایک سعودی شہری کو سفارت خانے کی جانب سے علاج کے لیے ایئرایمبولینس کے ذریعے وطن منتقل کیا گیا۔
مزید پڑھیں
سبق ویب سائٹ کے مطابق یہ اقدام اس وقت کیا گیا جب مریض کو مزید طبی نگہداشت کی ضرورت پیش آئی، جس پر سفارت خانے نے فوری منتقلی کے اقدامات کیے۔
متاثرہ شہری کو وزارتِ دفاع کی طبی خدمات کے تحت چلنے والی ایئر ایمبولینس کے ذریعے سعودی عرب منتقل کیا گیا۔ یہ کارروائی قیادت کی ہدایات کے مطابق انجام دی گئی ہے، جن کے تحت ہر حالت میں
سعودی شہریوں کو مکمل دیکھ بھال اور طبی سہولت فراہم کرنے پر زور دیا گیا ہے۔
یہ اقدام وزارتِ خارجہ اور متعلقہ اداروں کی جانب سے بیرونِ ملک مقیم سعودی شہریوں کی نگہداشت اور خدمت کے تسلسل کا حصہ ہے۔
حکام کا کہنا ہے کہ شہریوں کی حالت پر نظر رکھنا اور ضرورت پڑنے پر فوری مدد فراہم کرنا متعلقہ اداروں کی بنیادی ذمہ داریوں میں شامل ہے۔