خادم الحرمین الشریفین شاہ سلمان بن عبدالعزیز آل سعود نے یومِ تاسیس کے موقع پر اپنے پیغام میں قومی یادگار دن پر فخر کا اظہار کرتے ہوئے کہا ہے کہ یہ دن اس مبارک ریاست کے قیام کی یاد دلاتا ہے جس کی بنیاد توحید، عدل اور اتحاد پر رکھی گئی۔
مزید پڑھیں
شاہ سلمان نے اپنے بیان میں کہا کہ اس عظیم دن پر ہم اپنی ریاست کے قیام کو یاد کرتے ہیں جسے ہمارے آبا و اجداد نے کلمۂ توحید کی بنیاد پر قائم کیا، انصاف کو فروغ دیا اور منتشر قوتوں کو ایک پرچم تلے متحد کیا۔
انہوں نے اس بات پر زور دیا کہ انہی اصولوں کی بدولت اللہ تعالیٰ کے فضل و کرم سے مملکت میں امن اور خوشحالی کو فروغ ملا۔
نستذكر في هذا اليوم المجيد تأسيس دولتنا المباركة، التي أقامها الأجداد على كلمة التوحيد، وتحقيق العدل، وجمع الشتات تحت راية واحدة؛ بما حقق بفضل الله تعالى الأمن والازدهار.
— سلمان بن عبدالعزيز (@KingSalman) February 22, 2026
شاہی پیغام میں اس بات کی نشاندہی کی گئی ہے کہ یومِ تاسیس محض ایک تاریخی موقع نہیں بلکہ اس نظریاتی بنیاد کی یاد دہانی ہے جس نے سعودی ریاست کو استحکام بخشا اور اسے ترقی کی راہ پر گامزن کیا۔
آج کا یہ دن تین صدیوں پر محیط اس سفر کی علامت ہے جس نے اتحاد، حکمرانی اور قومی یکجہتی کو مضبوط کیا ہے۔